საქართველოს შინაგან საქმეთა მინისტრმა ვახტანგ გომელაურმა სამართალდამცავებს პროფესიული დღე მიულოცა პოლიციელების მაღალ პროფესიონალიზმზე გაამახვილა ყურადღება.

როგორც გომელაურმა ქუთაისში, პოლიციელის დღისადმი მიძღვნილ საზეიმო ღონისძიებაზე სიტყვით გამოსვლისას განაცხადა, მათი მიზანია, დანაშაულს მხოლოდ  კანონიერი გზით ებრძოლონ.

"სწორედ ქუთაისიდან მინდა ვუთხრა ყველას,  ქართული პოლიცია თითოეული ჩვენთაგანისთვის უსაფრთხოების გარანტია. პირველ რიგში ჩვენი მოქალაქეების სიმშვიდესა და უსაფრთხოებას ვიცავთ.სწორედ ამიტომ, ვინც კანონს დაარვევს, და ჩაიდენს დანაშაულს, უმკაცრესად დაისჯება.  დღევანდელობის მონაპოვარია, რომ პოლიციელები თავის მოვალეობას მაღალი პროფესიონალური  სტანდარტებით ახორციელებენ. დანაშაულთან ბრძოლა ჩვენი  მოქალაქეების ღირსების შელახვის გარეშე მიმდინარეობს.ჩვენი მიზანია, მხოლოდ კანონიერი გზით ვებრძოლოთ დანაშაულს",-განაცხადა ვახტანგ გომელაურმა.
პოლიციელის დღისადმი მიძღვნილ საზეიმო ცერემონიას ქუთაისში, საქართველოს პრეზიდენტი, მთავრობისა და პარლამენტის წევრები, ასევე დიპლომატიური კორპუსის წარმომადგენლები დაესწრნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედიის ადვოკატირების კოალიცია - მართლმსაჯულების სისტემის გამოყენება კრიტიკული ხმის ჩასახშობად და ჟურნალისტების დასასჯელად

ევროკომისია: ევროკავშირი აკვირდება სარჩელს, რომელიც საქართველოში ხუთი ოპოზიციური პარტიის აკრძალვას ეხება

კახა კალაძე საფრანგეთში მიმდინარე აქციებზე: დღეს იმ უბედურებას, რაც საქართველოში მოაწყვეს, საკუთარ ქვეყანაში ხედავენ

საქართველოს ბანკის ახალი პროექტი მოსწავლეებისთვის - შეისწავლე სასურველი პროფესია სრული დაფინანსებით