2018-06-21 17:00:05, 707 ნახვა

---

კილაძე - თუ პრემიერი გადაწყვეტს, რომ თეა წულუკიანი იყოს მინისტრობის კანდიდატი, მე მას მხარს დავუჭერ

„თუ მამუკა ბახტაძე გადაწყვეტს, რომ თეა წულუკიანი იყოს მინისტრობის კანდიდატი, ბუნებრივია, მე მას მხარს დავუჭერ“, - ამის შესახებ პარლამენტის ადამიანის უფლებათა დაცვის კომიტეტის თავმჯდომარე სოფო კილაძემ ჟურნალისტებს „ქართული ოცნების“ ოფისთან განუცხადა.

როგორც მან აღნიშნა, წულუკიანის საქმიანობას დადებითად აფასებს.

„იქნება თუ არა ქალბატონი თეა წულუკიანი წარმოდგენილი მინისტრობის კანდიდატად, ეს არის ბატონი მამუკა ბახტაძის გადასაწყვეტი. მე ქალბატონი თეას საქმიანობას დადებითად ვაფასებ და ზოგადად ბევრი რეფორმა მის სახელს უკავშირდება“, - განაცხადა სოფო კილაძემ.

ცნობისთვის, „ქართული ოცნების“ ოფისში მმართველი გუნდი მთავრობაში დაგეგმილ სტრუქტურულ რეორგანიზაციაზე მსჯელობს.

---

ავტორი: ,

---

დღის თემა

მთავარი თემა

ინტერვიუ - ექსკლუზივი