გერმანიის ლტოლვილთა და მიგრანტების ფედერალური ოფისის სტატისტიკის თანახმად, 2018 წლის მაისში საქართველოდან თავშესაფრის მაძიებელთა რაოდენობა შემცირდა. შესაბამისი ინფორმაცია BAMF-ის ოფიციალურ ვებგვერდზეა განთავსებული.

BAMF-ის ცნობით, მიმდინარე წლის აპრილში თავშესაფარი საქართველოს 700-მდე მოქალაქემ მოითხოვა, ხოლო მაისში თავშესაფრის მაძიებელთა რიცხვმა 176 პირი შეადგინა.

ამავე სტატისტიკის მიხედვით, 2018 წლის 5 თვის განმავლობაში (იანვარი-მაისი), თავშესაფარი საქართველოს 2 263-მა მოქალაქემ მოითხოვა.

ცნობისთვის, მიმდინარე წლის განმავლობაში გერმანიაში თავშესაფარი სულ 68 368 ადამიანმა მოითხოვა, აქედან ყველაზე მეტი სირიის მოქალაქე იყო. გერმანიას ლტოლვილის სტატუსის მინიჭების მოთხოვნით 17587 სირიელმა მიმართა; ერაყი - 6 900 მოქალაქე, ნიგერია - 4794 მოქალაქე. ათეულში შევიდა ავღანეთი - 4 210; ირანი - 3 598; თურქეთი - 3 191, სომალი - 2 470 და სხვა.

ავტორი: ,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა