ამერიკის შეერთებულმა შტატებმა გაეროს ადამიანის უფლებათა საბჭო დატოვა.

ამის შესახებ ცოტა ხნის წინ ქვეყნის სახელმწიფო მდივანმა, მაიკ პომპეომ განაცხადა.

„როდესაც ორგანიზაცია ჩვენს და ჩვენი მოკავშირეების ინტერესებს ძირს უთხრის, ვერ ვიქნებით მისი მონაწილეები“, - განმარტა პომპეომ სახელმწიფო დეპარტამენტში გამოსვლისას.

მისი თქმით, გაეროში აშშ-ის წარმომადგენელი, ნიკი ჰეილი მთელი წლის განმავლობაში უშედეგოდ ცდილობდა საბჭოს რეფორმირებას.

ამასთან, ნიკი ჰეილიმ ჟურნალისტებს განუცხადა, რომ ეს საბჭო ადამიანის უფლებათა დამრღვევებს იცავს.

„აშშ ოფიციალურად ტოვებს გაერო-ს ადამიანის უფლებათა საბჭოს, ვინაიდან ჯერ კიდევ ერთი წლის წინ ჩვენ ვამბობდით, რომ გავაკეთებთ ამას, თუ პროგრესს ვერ დავინახავთ. უკვე დიდი ხანია რაც ეს საბჭო ადამიანის უფლებების დამრღვევთა დამცველი და პოლიტიკურად ანგაჟირებული გახდა. სამწუხაროდ, ახლა ნათელი გახდა, რომ ჩვენ მოწოდებებს ამ ორგანოს რეფორმირების შესახებ ყურადღება არავინ მიაქცია. ადამიანის უფლებების დამრღვევები რჩებიან საბჭოს შემადგენლობაში. მსოფლიოში ყველაზე არაადამიანური რეჟიმები კვლავ აყალიბებენ კრიტიკულ დღის წესრიგს, საბჭო კი კვლავ იღებს პოლიტიკურ გადაწყვეტილებებს“, - განაცხადა ნიკი ჰეილიმ.

შტატებმა გადაწყვეტილება მას შემდეგ მიიღო, რაც გაერო-ს ადამიანის უფლებათა საბჭომ ოფიციალური ვაშინგტონის საიმიგრაციო პოლიტიკა გააკრიტიკა. გაერო-მ აშშ-ისა და მექსიკის საზღვარზე ოჯახების განცალკევება დაგმო.

ავტორი: ,

სოციალური ქსელები

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება