"აგვისტოს ომის საქმეზე ბოლო ორი წლის განმავლობაში სტრასბურგის სასამართლოში 700 ახალი მტკიცებულება წარვადგინეთ", - ამის შესახებ იუსტიციის მინისტრობის კანდიდატმა თეა წულუკიანმა მთავრობის განახლებული შემადგენლობისათვის ნდობის გამოცხადების ფორმატში კომიტეტების გაერთიანებულ სხდომაზე განაცხადა.

მან 23 მაისს სტრასბურგში გამართულ სასამართლო პროცესს საქართველოს ინტერესებისთვის სასიკეთო უწოდა და აღნიშნა, რომ უწყება სახელმწიფო ინტერესების დაცვას მომავალშიც გააგრძელებს.

„საერთაშორისო დავების ფარგლებში სახელმწიფო ინტერესების დაცვას, რა თქმა უნდა, გააგრძელებს იუსტიციის სამინისტრო. ჩვენ ძალიან კარგი, საქართველოს ინტერესებისთვის სასიკეთო ღია განხილვა გვქონდა აგვისტოს ომის საქმეზე რუსეთის წინააღმდეგ 23 მაისს და ველოდებით სასამართლო გადაწყვეტილების გამოქვეყნებას. სხვა მხრივ, განხილვები დასრულებულია. ჩვენ 700 ახალი მტკიცებულება წარვადგინეთ ბოლო ორი წლის განმავლობაში ამ დავაზე სტრასბურგის სასამართლოში, დაწყებული „ისკანდერთან“ დაკავშირებული ეპიზოდით, დასრულებული ყველა იმ კომპონენტით, რომლებიც  არცერთი არ არის ერთი მეორეზე მნიშვნელოვანი ამ დავაში. ჰააგის სასამართლოს გამოძიებაში ვმონაწილეობთ. ჩვენი მთავარი მიმართულებები არის ეთნიკური წმენდა და ამის დამტკიცება ჰააგის გამოძიების ფარგლებში; ასევე, ჩვენი მოქალაქეების უფლებების დარღვევა ცხინვალის რეგიონში და ჩვენი სამხედრო ტყვეების მკვლელობა და წამება. სტრასბურგის სასამართლოს გადაწყვეტილებების აღსრულებას, რა თქმა უნდა, წარმატებით გავაგრძელებთ, ვითანამშრომლებთ ყველა ჩვენს პარტნიორ ქვეყანასთან ექსტრადიციების ნაწილში, რათა ჩვენ ერთად ვიბრძოლოთ ორგანიზებული  დანაშაულის წინააღმდეგ“, - განაცხადა თეა წულუკიანმა მთავრობის განახლებული შემადგენლობისათვის ნდობის გამოცხადების ფორმატში კომიტეტების გაერთიანებულ სხდომაზე.

(NS)

ავტორი: ,

სოციალური ქსელები

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ

თეთრი სახლი: აშშ ირანის მხრიდან გარკვეულ პროგრესს აღნიშნავს

25 აპრილს, ილია II-ის გარდაცვალებიდან 40 დღე სრულდება - სიონის ტაძარში წირვას აღავლენენ

პოლიციამ ლაზარე გრიგორიადისი დააკავა