2018-06-19 15:37:28, 632 ნახვა

---

ხოშტარია წულუკიანს: ხუთი წელია ადამიანის უფლებების დროშით ხართ მოსული და უსამართლობის განცდამ წაიღო ოჯახები

„არ შემიძლია გაკვირვება არ გამოვხატო, რომ ქალბატონმა თეამ ბატონ შოთაძეს ამ ჯერზე ძალიან ცოტა მადლობა გადაუხადა და რამე კრიზისი ხომ არ გაქვთ?“, - ასე მიმართა „ევროული საქართველოს“ წევრმა ელენე ხოშტარიამ კომიტეტების გაერთიანებულ სხდომაზე იუსტიციის მინისტრობის კანდიდატ თეა წულუკიანს.

ხოშტარიამ წულუკიანის საქმიანობა გააკრიტიკა და აღნიშნა, რომ მინისტრობის კანდიდატის აღქმა არსებულ ვითარებაში არაადეკვატურია.

„აზრი ხომ არ შეიცვალეთ იმასთან დაკავშირებით, რომ შოთაძემ რაღაც ხომ არ დააშავა მოქალაქეებთან? - აბსოლუტურად არაადეკვატურია თქვენი აღქმა და თქვენი პასუხისმგებლობის აღქმა იმ ვითარებაში, რა ვითარებაშიც დღეს არის ქვეყანა. იმ კრიზისის ფონზე, როდესაც ადამიანი აბსოლუტურად გაითელა და თქვენ საუბრობთ რაღაც ტალღებზე. ხუთი წელია ადამიანის უფლებების დროშით ხართ მოსული, რეფორმების ტალღებზე ლაპარაკობთ და ცუნამმა და უსამართლობის განცდამ წაიღო ოჯახები“, - განაცხადა ხოშტარიამ. 

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი