პარლამენტში მინისტრობის კანდიდატებს უსმენენ.

გაერთიანებული კომიტეტების სხდომებზე მოსმენა 12:00 საათამდე გაგრძელდება. ამის შემდეგ პრემიერ-მინისტრობის და მინისტრობის კანდიდატები პარლამენტის პლენარულ სხდომათა დარბაზში ჯერ საპარლამენტო უმრავლესობას შეხვდებიან, შემდეგ ფრაქცია „საქართველოს პატრიოტების“ წევრებს, ფრაქცია „ნაციონალურ მოძრაობას“ და „ევროპულ საქართველოს“. მოგვიანებით, ბიუროს სხდომაა დაგეგმილი.

ხვალ კი, 12:00 საათზე, მთავრობისთვის ნდობის გამოცხადების საკითხზე პარლამენტის რიგგარეშე  სხდომაზე იმსჯელებენ, რის შემდეგაც კენჭისყრა გაიმართება.

შეგახსენებთ, მთავრობა პარლამენტის წინაშე ნდობის მოსაპოვებლად თითქმის უცვლელი შემადგენლობით წარდგა. სიაში მინისტრობის მხოლოდ სამი ახალი კანდიდატია - საგარეო საქმეთა მინისტრად დავით ზალკალიანი, ეკონომიკისა და მდგრადი განვითარების მინისტრად გიორგი ჩერქეზიშვილი, ხოლო ფინანსთა მინისტრად ნიკოლოზ გაგუა. სამივე მათგანი მანამდე ამავე უწყებებში მინისტრის მოადგილის თანამდებობებს იკავებდნენ. როგორც პრემიერ-მინისტრობის კანდიდატმა მამუკა ბახტაძემ გუშინ გამართულ ბრიფინგზე განაცხადა, სამინისტროების რაოდენობის 14-დან 11-მდე შემცირება იგეგმება, რასაც პარლამენტის მხრიდან საკანონმბდებლო ცვლილებები სჭირდება. სწორედ ამიტომ, მისი განმარტებით, მას შემდეგ, რაც სტრუქტურულ ცვლილებებთან დაკავშირებით პარლამენტი საკნონმდებლო ცვლილებებს განახორციელებს, საკანონმდებლო ორგანოში ნდობის მოსაპოვებლად კიდევ ერთხელ, უკვე განახლებული შემადგენლობით მივა. 

ავტორი: ,

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო