მოგერინი: ევროკავშირის ურთიერთობა რუსეთთან მაშინ შეიცვლება, როდესაც მინსკში აღებული ვალდებულებები შესრულდება

2015-01-20 10:42:34, 3554 ნახვა

მსოფლიო

„ჩვენი ურთიერთობა რუსეთთან მხოლოდ მაშინ შეიცვლება, თუ მინსკში აღებული ყველა ვალდებულება შესრულდება“, - ამის შესახებ ევროკავშირის უმაღლესმა კომისარმა საერთაშორისო საქმეებსა და უსაფრთხოების პოლიტიკის საკითხებში ფედერიკა მოგერინმა რუსეთ-უკრაინის კონფლიქტთან დაკავშირებით განაცხადა.

მოგერინის თქმით, სტრატეგიული დებატები არ ნიშნავს ევროკავშირის კურსის ცვლილებას რუსეთის ფედერაციასთან მიმართებაში.

„სტრატეგიული დებატები არ ნიშნავს ჩვენი კურსის ცვლილებას რუსეთთან მიმართებაში. ჩვენ განვაგრძობთ იმავე გზას და გადაწყვეტილებაში ერთიანი ვართ. ისინი ვინც დღეს აზრთა სხვადასახვაობას ელოდნენ იმედგაცრუებული დარჩებიან. ჩვენი ურთიერთბა რუსეთთან მხოლოდ მაშინ შეიცვლება, თუ მინსკში აღებული ყველა ვალდებულება შესრულდება“,-განაცხადა მოგერინმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან