„თქვენ დარწმუნებული ხართ რომ 9 საათი სჭირდებოდა მირზა სუბელიანის დაკითხვას?! მე არა მგონია დასაკითხად ყოფილიყო იქ, ალბათ მოლაპარაკება მიდოდა იმასთან დაკავშირებით დაეკავებინათ თუ არა“, - ასე გამოეხმაურა ხორავას ქუჩაზე მოკლული დავით სარალიძის მამა, ზაზა სარალიძე შსს-ში მირზა სუბელიანის ხელმეორედ გამოკითხვას.

როგორც სარალიძემ აღნიშნა, გამოძიებას 10 რიცხვამდე აძლევს ვადას, რომ მის მიერ დასახელებული პირები დააკავონ, წინააღმდეგ შემთხვევაში კი, აცხადებს, რომ აქციები გაგრძელდება.

„საერთოდაც პირველი დაკითხვა არის გრძელვადიანი და მეორე და მესამე დაკითხვის დროს ინფორმაციის დაზუსტება ხდება, რასაც სჭირდება დაახლოებით 1 ან 2 საათი, მე გამოძიებას კონკრეტული პირები ჩამოვუთვალე, რომლის დაკავების აბსოლუტური საფუძველი გააჩნიათ და 10 რიცხვამდე მივეცი დრო, თუ არ დააკვებენ, ჩვეულებრივად გაგრძელდება აქციები სამართლიანობის აღსდგენის მოთხოვნით“, - განაცხადა ზაზა სარალიძემ

შეგახსენებთ, გუშინ პროკურატურის ყოფილი თანამშრომელი მირზა სუბელიანი შსს-ში გამოკითხვაზე დაახლოებით 9 საათის განმავლობაში იმყოფებოდა. „ვერანაირ კომენტარს ვერ გავაკეთებ. გამომძიებლებს ჰქონდათ შეკითხვები და გავეცი პასუხები. რამდენჯერაც დამიბარებენ, იმდენჯერ მოვალ. იყო დამატებითი შეკითხვები“, - განაცხადა მირზა სუბელიანმა.

ავტორი: ,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს