საქართველოს პარლამენტმა ხორავას ქუჩაზე მომხდარი მკვლელობის ფაქტის შემსწავლელი დროებითი საგამოძიებო კომისიის შემადგენლობა დაამტკიცა. 

კომისიის შემადგენლობას მხარი 95 დეპუტატმა დაუჭირა, წინააღმდეგი კი ერთი დეპუტატი იყო. 

გარდა ამისა, დეპუტატებმა კომისიის თავმჯდომარეც აირჩიეს. თავმჯდომარის პოსტზე ორი დეპუტატი იყო წარდგენილი - "ევროპული საქართველოდან" სერგი კაპანაძე და საპარლამენტო უმრავლესობიდან ენძელა მაჭავარიანი. 91 დეპუტატმა სერგი კაპანაძის კანდიდატურას დაუჭირა მხარი, ერთი კი, წინააღმდეგი იყო. 

ცნობისთვის, კომისია 17 წევრისგან შედგება. საპარლამენტო უმრავლესობა: ეკა ბესელია, არჩილ თალაკვაძე, ანრი ოხანაშვილი, მამუკა მდინარაძე, დიმიტრი ცქიტიშვილი და სოფო კილაძე;
„ევროპული საქართველო“: სერგი კაპანაძე, ოთარ კახიძე, ელენე ხოშტარია, ოთარ აბესაძე, სერგო რატიანი, ხათუნა გოგორიშვილი, მამუკა ჩიქოვანი, გიგა ბოკერია, ირმა ნადირაშვილი; „პატრიოტთა ალიანსი“- ადა მარშანია; დამოუკიდებელი დეპუტატი - სალომე ზურაბიშვილი; კომისიას სერგი კაპანაძე უხელმძღვანელებს.  

ავტორი: ,

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო