ოკუპირებული აფხაზეთის პრეზიდენტის რაულ ხაჯიმბას დავალებით, დე ფაქტო გენერალური შტაბის უფროსი ანატოლი ხრიულოვი რუსეთთან გაფორმებული ე.წ. სამეკავშირეო ხელშეკრულების აღსრულებას იწყებს.

როგორც ხრიულოვმა განაცხდა, აფხაზეთის მიზანია შეიარაღებული ძალების მობილიზაციის გაზრდა და რუსეთთან გაფორმებული ხელშეკრულების ყველა პუნქტის გაფორმება.

„ჩვენ ორი მიზანი დავისხეთ პირველი შეიარაღებული ძალების თავდაცისუნარიონობისა შესაძლებლობების გაზრდა და რუსეთთან გაფორმებული მოკავშირეობის ხელშეკრულების ყველა პუნქტის შესრულება“,-აღნიშნა ხრიულოვმა.

ამასთან, აფხაზეთის დე ფაქტო პრეზიდენტის ხაჯიმბას თქმით, ე.წ. მოკავშირეობის ხელშეკრულების მიხედვით, აფხაზეთისა და რუსეთის თავდაცვის უწყებებს შორის შეთანხმება უნდა გაფორმდეს.

„ჩვენ სხვა გზა არ გვაქვს, ვის უნდა მივმართოთ, დასავლეთს? ჩვენ ეს სიტუაცია უნდა გამოვიყენოთ. ის, რაც ახლა კეთდება რუსეთის მხრიდან, თავდაცვის სფეროს დახმარებისთვის ძალიან მნიშვნელოვანია. ხელშეკრულებას ხელი რუსეთთან გასული წლის 24 ნოებერს მოეწერა. ამ ხელშეკრულების მიხედვით ახლა შეთანხება თავდაცვის უწყებებს შორის უნდა გაფორმდეს. ზღაპრებს ნურავინ მოყვება. ეს ჩვენთვის მნიშვნელოვანია და აქ რუსეთის მხრიდან არამარტო ფინანსურ დახმარებაზეა საუბარი, არამარტო ხელფასების ზრდაზე იმ საერთო რუსულ-აფხაზური დაჯგუფებისთვის, აქ საუბარია თავდაცვის სისტემის სრულ რეფორმაზე,რუსეთთან გაფორმებული ხელშეკრულების კუთხით ძალიან მნიშვნელოვანია ანატოლი ხრიულოვის საქმიანობა ამ პოსტზე“,-განაცხადა რაულ ხაჯიმბამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე