საქართველოში დიდი ბრიტანეთის სპეციალური წარმომადგენელის, პარლამენტის წევრის მარკ პრიტჩარდის განცხადებით, გაერთიანებულ სამეფოში დაინტერესებულნი არიან საქართველოში ინვესტირებით.

„მრავალი წლის განმავლობაში ეს პირველი სერტიფიცირებული, სავაჭრო-საინვესტიციო დელეგაციაა გაერთიანებული სამეფოდან, რომელიც საქართველოში ჩამოვიდა. დელეგაციაში გაერთიანებული სამეფოს ბიზნესის ფართო სპექტრია წარმოდგენილი. ვფიქრობ, ეს იმის მანიშნებელია, რომ  გაერთიანებულ სამეფოში დაინტერესებულნი არიან საქართველოში ინვესტირებით და ეს დამოკიდებულება ასახავს გაერთიანებული სამეფოს პრემიერ მინისტრისა და მთავრობის დამოკიდებულებას," - განაცხადა მარკ პრიტჩარდმა.

ის საქართველოს პირველ ვიცე-პრემიერს, ეკონომიკისა და მდგრადი განვითარების მინისტრს, დიმიტრი ქუმსიშვილს შეხვდა.

შეხვედრაში ასევე მონაწილეობდნენ ეკონომიკისა და მდგრადი განვითარების მინისტრის მოადგილე გენადი არველაძე და სააგენტოს „აწარმოე საქართველოში" დირექტორი მიხეილ ხიდურელი.

დიდი ბრიტანეთის სავაჭრო დელეგაციის შემადგენლობაში წამყვანი ბრიტანული ბიზნესსექტორის წარმომადგენლები შედიან. ვიზიტის მიზანია ბრიტანელ და ქართველ ბიზნესებს შორის გამოცდილების და ცოდნის გაზიარება, განსაკუთრებით ისეთ სფეროებში, როგორიც არის პროფესიული და ფინანსური სერვისები. განახლებადი ენერგიის წყაროები და სხვადასხვა ინფრასტრუქტურული პროექტები. ბიზნესდელეგაცია საქართველოში შეხვედრებს ორი დღის განმავლობაში გამართავს.

(NS)

ავტორი: ,

სოციალური ქსელები

700 დღე პროტესტი საქართველოში: დაღლასა და დანებებას შორის

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს

დააკავეს პირი რომელიც ყოფილ მეუღლეს სიცოცხლის მოსპობით დაემუქრა, თუ მასთან შერიგებაზე უარს იტყოდა

ძმის ქორწილში მოკლული გურამ ბოიკოს მკვლელობაში ბრალდებული დააკავეს, ბრალდებული წარსულშიც ნასამართლევია