საპარლამენტო რესპუბლიკის მოდელი, რომელსაც საქართველოს კონსტიტუციის ახალი რედაქცია ითვალისწინებს, ითხოვს ძლიერი პარლამენტის არსებობას. 

სწორედ ამიტომ, პარლამენტის ხელმძღვანელობის ინიციატივით, განხორციელდა პარლამენტის რეგლამენტის რეფორმა. საუკეთესო საერთაშორისო პრაქტიკის დანერგვის მიზნით,  ევროკავშირის და გაეროს განვითარების პროგრამის (UNDP) მხარდაჭერით, შერჩა საერთაშორისო და ადგილობრივი ექსპერტები, რომლებმაც მნიშვნელოვანი რეკომენდაციები და ანგარიშები მოამზადეს.

ახალი რეგლამენტი ემსახურება პარლამენტის საკანონმდებლო და საზედამხედველო   ფუნქციების გაუმჯობესებას. ეს ცვლილებები ჰარმონიზაციაში მოდის კონსტიტუციის ცვლილებასთან და თვისობრივად სხვა ეტაპზე გადაჰყავს მთავრობის წევრების და საკანონმდებლო ორგანოს ურთიერთობა. 

საზედამხედველო   ფუნქციების გაუმჯობესების მიზნით ახალ რეგლამენტში, მკაფიოდაა განსაზღვრული პარლამენტის წინაშე აღმასრულებელი ხელისუფლების ანგარიშვალდებულება. პრემიერ-მინისტრი წელიწადში ერთხელ პარლამენტს პირადად წარუდგენს მოხსენებას სამთავრობო პროგრამის შესრულების მიმდინარეობის შესახებ. ასევე, თითოეული მინისტრი ვალდებული იქნება წელიწადში ერთხელ მაინც წარსდგეს პარლამენტის წინაშე, ეს კი ნიშნავს რომ მინიმუმ 14 მინისტრის საათი გაიმართება წელლიწადში.

მარტივდება საგამოძიებო კომისიის შექმნისა და მთავრობისთვის უნდობლობის გამოცხადების პროცედურები, კომიტეტებზე მთავრობის წევრის ან სხვა ანგარიშვალდებული პირის დაბარება,  ასევე მკვიდრდება  ინტერპელაციის ინსტიტუტი, (რაც გულისხმობს პარლამენტის წევრთა შვიდკაციანი ჯგუფის (ნაცვლად 10-კაციანი ჯგუფისა), ან ფრაქციის უფლებას, შეკითხვით მიმართოს საქართველოს მთავრობას, პარლამენტის წინაშე ანგარიშვალდებულ სხვა ორგანოს, ან მთავრობის წევრს, ხოლო  შეკითხვის ადრესატი ვალდებული იქნება გამოცხადდეს პლენარულ სხომაზე და უპასუხოს დასმულ შეკითხვებს. 

საკანონმდებლო ფუნქციის გაუმჯობესების მიზნით ინერგება თემატური მომხსენებლების ფუნქცია,  
იზღუდება საკომიტეტო მოსმენების ჩატარება პლენარულის სხდომების დროს, იზრდება პლენარული სხდომების დღეების რაოდენობა, რაც მნიშვნელოვნად გააუმჯობესებს საკანონმდებლო პროცესს.  

არსებული რეგლამენტის ძირითადი ხარვეზებია - უფუნქციო ნორმები; სისწრაფის ხარჯზე უხარისხო საკანონმდებლო პროცესის წარმოება; დუბლირება და კოლიზიები

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში