“ჩვენთვის მნიშვნელოვანია ტურიზმის სექტორში მომსახურების ხარისხის ზრდა და სახელმწიფო ამ მიმართულებით ძალიან ბევრს აკეთებს”, - ამის შესახებ პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა „Welcome to Georgia!" ტურიზმის ეროვნული დაჯილდოების ორგანიზებით ტურიზმისა და მასპინძლობის რიგით მე-3 კონფერენციაზე სიტყვით გამოსვლისას განაცხადა.

„მადლობა მინდა გადავუხადო ორგანიზატორებს და მსურს, სრული მხარდაჭერა დავაფიქსირო Welcome to Georgia-ს მიმართ - ეს დარგი იმსახურებს იმას, რომ წლიდან წლამდე ჩვენ გამოვავლინოთ ტურიზმის სფეროში საუკეთესოები, რათა ამ სტიმულმა მეტად წაახალისოს ტურიზმის ბიზნესი, რომ  დარგში გაწეული მომსახურების ხარისხი წლიდან წლამდე იზრდებოდეს. ჩვენთვის ძალიან მნიშვნელოვანია მომსახურების ხარისხის ზრდა, ამ მიმართულებით სახელმწიფო ძალიან ბევრს აკეთებს, ჩვენ საკმაოდ მნიშვნელოვან თანხებს ვხარჯავთ ტრენინგებში, თუმცა, საბოლოო ჯამში ეს უნდა გამოიხატებოდეს ჩვენი მომხმარებლის კმაყოფილებით.

Welcome to Georgia-ს სამი დაჯილდოება უკვე გავმართეთ, დიდი იმედი მაქვს, მე-4 დაჯილდოებას დეკემბერში გავმართავთ. ვიმედოვნებ, რომ კონფერენციაზე გაიმართება პროდუქტიული დისკუსია იმ გამოწვევებზე, რომლებიც ჩვენს ქვეყანას აქვს ტურიზმის სფეროში, ასევე იმ შესაძლებლობებზე, რომელიც ჩვენს ქვეყანას აქვს და ასათვისებელია", - განაცხადა პირველმა ვიცე-პრემიერმა.

ტურიზმისა და მასპინძლობის კონფერენცია „Welcome to Georgia! ტურიზმის ეროვნული დაჯილდოების" პროექტის ფარგლებში 2016 წლიდან ტარდება და არის საუკეთესო ბიზნეს პლატფორმა, რომლის მეშვეობითაც ინდუსტრიის წარმომადგენლებს ეძლევათ ერთმანეთთან კომუნიკაციის, ინფორმაციის გაცვლის, ტურიზმისა და მასპინძლობის სფეროში, აგრეთვე ზოგადად, ქართულ ბიზნეს სექტორში არსებული სიახლეების გაგების შესაძლებლობა.

კონფერენცია გახსნა პროექტის თანადამფუძნებელმა და მმართველმა პარტნიორმა მარინა ჩაიკამ, რომელმაც საქართველოს პირველ ვიცე-პრემიერს კონფერენციის მხარდაჭერისთვის მადლობა გადაუხადა.

ტურიზმის და მასპინძლობის მე-3 კონფერენციის მუშაობაში ასევე მონაწილეობდნენ ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელი გიორგი ჩოგოვაძე, საპარტნიორო ფონდის აღმსარულებელი დირექტორი დავით საგანელიძე, ბიზნეს ომბუდსმენი ირაკლი ლექვინაძე, აგრეთვე სახელმწიფო და კერძო სექტორის 350-ზე მეტი წარმომადგენელი, საერთაშორისო და ადგილობრივი ექსპერტი და მედია.

(NS)

ავტორი: ,

სოციალური ქსელები

700 დღე პროტესტი საქართველოში: დაღლასა და დანებებას შორის

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს

დააკავეს პირი რომელიც ყოფილ მეუღლეს სიცოცხლის მოსპობით დაემუქრა, თუ მასთან შერიგებაზე უარს იტყოდა

ძმის ქორწილში მოკლული გურამ ბოიკოს მკვლელობაში ბრალდებული დააკავეს, ბრალდებული წარსულშიც ნასამართლევია