ხორავას ქუჩაზე მოზარდების მოზარდების მკვლელობის ადგილზე ნაპოვნი მაკრატელი სასწრაფო-სამედიცინო დახმარების ჯგუფს ეკუთნვის“, - ამის შესახებ მთავარ პროკურატურაში გამართულ ბრიფინგზე გახდა ცნობილი.

როგორც პროკურორმა განაცხადა, შემთხვევის ადგილიდან სულ 22 ობიექტია ამოღებული.

„შემთხვევის ადგილის დათვალიერებისას ამოღებული იქნა საქმესთან დაკავშირებული სხვადასხვა ნივთები, ჯამში 22 ობიექტი. მათ შორის ერთ-ერთი ყველაზე მნიშვნელოვანი მტკიცებულება გახლავთ ბრალდებულ გ.ჯ-ს შავტარიანი, გასაშლელი დანა სისხლის ლაქებით. ხსენებულ დანაზე გამოძიების მიერ ჩატარდა ყველა საჭირო ექსპერტიზა, მათ შორის ბიოლოგიური ექსპერტიზა, რომლის შედეგადაც დანაზე აღმოჩნდა როგორც ერთ-ერთი მოკლულის, დ.ს.-ს ბიოლოგიური პროფილი, ასევე ბრალდებულის ბიოლოგიური მასალა. აღნიშნულით ცალსახად დგინდება, რომ ხსენებულმა ბრალდებულმა გარდაცვლილს მიაყენა დაზიანებები აღნიშნული დანით. ასევე ამოღებული იქნა შემთხვევის ადგილზე სამედიცინო მაკრატელი. ჩატარებული საგამოძებო მოქმედებებით დადგინდა, რომ ეს მაკრატელი ეკუთვნის შემთხვევის ადგილზე მისულ სასწრაფო სამედიცინო დახმარების ბრიგადას, რომელსაც დარჩათ ეს ნივთი შემთხვევის ადგილზე შესაბამისი დახმარების გაწევის შემდგომ. აღნიშნული გარემოება დადასტურდა ადგილზე მყოფი ექიმების ჩვენებებით, რომელთა ეჭვქვეშ დაყენების არანაირი საფუძველი არ არსებობს. ხაზგასმით აღვნიშნავთ, რომ ჩატარებული ყველა სხვა საგამოძიებო მოქმედებით, მათ შორის მოწმეთა ჩვენებებით სხვა მაკრატელის ან მსგავსი საგანი არსებობა არ დგინდება“, - განაცხადეს პროკურატურაში გამართულ ბრიფინგზე.

ავტორი: ,

სოციალური ქსელები

Bloomberg: ევროკავშირი უკრაინაში Starlink-ის პრობლემების შემდეგ თავდაცვის გაძლიერებას განიხილავს:

კალაძე - რეალურად არ არსებობდა არანაირი ე.წ. NGO სექტორი და პოლიტიკური პარტიები, ეს იყო ერთი ძალა

700 დღე პროტესტი საქართველოში: დაღლასა და დანებებას შორის

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს