ხორავას ქუჩაზე მოკლული დავით სარალიძის მამა ზაზა სარალიძე აქციას აანონსებს.

როგორც მან ხორავას ქუჩაზე გამართულ ბრიფინგზე განაცხადა, აქცია სამართლიანობის აღდგენის მოთხოვნით 27 მაისს, 19:00 საათზე გაიმართება.

ამასთან, სარალიძის განცხადებით, აქცია პირვე ეტაპზე მშვიდობიანი ხასიათის იქნება, თუმცა იმ შემთხვევაში, თუ სამართლიანობა არ აღდგება, აქციები მასიურ სახეს მიიღებს.

„აუცილებლად უნდა დადგინდეს ჭეშმარიტება, რათა ამ საქმეს არ მოყვეს გაგრძელება ჩემი შვილის მეგობრების მხრიდან, რომლებიც ძალიან ნეგატიურად არიან განწყობილნი ამ გამოძიების მიმართ და ცდილობენ შური იძიონ. როცა დარწმუნდებიან იმაში რომ ზაზა სარალიძემ სამართლიანობას ვერ მიაღწია და უკან დაიხია, ჩათვალეთ, რომ დაიწყება მოზარდების ომი. ერთადერთ შემთხვევაში გადაიდება აქცია. როცა პროკურორთან შეხვედრის პროცესში დააკავებენ იმ ორი პირის გარდა, რომელთაც მისჯილი აქვთ, სხვა პირებსაც და მისცემენ პასუხისგებაში. თუ პირობას დადებს ბატონი შოთაძე რომ ყველა დასჯილი იქნება, გამოვალ, საზოგადოებას ბოდიშს მოვუხდი და აქციაც თავისთავად არ ჩატარდება. იმ შემთხვევაში  თუ კონკრეტულ პასუხებს ვერ მივიღებ ჩემ კითხვებზე, რა თქმა უნდა ეს აქცია არ იქნება პირველი და არც ბოლო. აქციები მიიღებს მასიურ სახეს სანამ ჭეშმარიტება არ დადგინდება“,- აღნიშნა სარალიძემ.

ავტორი: ,

სოციალური ქსელები

700 დღე პროტესტი საქართველოში: დაღლასა და დანებებას შორის

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს

დააკავეს პირი რომელიც ყოფილ მეუღლეს სიცოცხლის მოსპობით დაემუქრა, თუ მასთან შერიგებაზე უარს იტყოდა

ძმის ქორწილში მოკლული გურამ ბოიკოს მკვლელობაში ბრალდებული დააკავეს, ბრალდებული წარსულშიც ნასამართლევია