აშშ-ში საქართველოს სამთავრობო დელეგაციის ფარგლებში, პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი საერთაშორისო სავალუტო ფონდის  ალტერნატიულ აღმასრულებელ დირექტორს ნიდერლანდების ჯგუფიდან რიჩარდ დორნბუშს შეხვდა.

ეკონომიკის სამინისტროს ცნობით, შეხვედრაზე საუბარი წარიმართა საქართველოს ეკონომიკურ ტენდენციებზე, მიმდინარე და სამომავლო რეფორმებზე. პოზიტიურად შეფასდა საქართველოს ეკონომიკის ზრდის მაჩვენებლები. წინასწარი მონაცემით, 2018 წლის მარტში წინა წლის შესაბამის პერიოდთან შედარებით მთლიანი შიდა პროდუქტის რეალურმა ზრდამ 5.6% შეადგინა. ამასთან, საქსტატის ინფორმაციით, პირველი კვარტლის საშუალო ზრდა 5.2% -ია. აღინიშნა, რომ სავალუტო ფონდის შეფასებით საქართველოს ექნება ყველაზე მაღალი ეკონომიკური ზრდა 2018 – 2023 წლებში.

მხარეებმა ასევე განიხილეს საერთაშორისო სავალუტო ფონდის პროგრამის მიმდინარეობა საქართველოში. აღინიშნა ის გარემოება, რომ ფონდის პროგრამა საქართველოს მთავრობის სამოქმედო 4-პუნქტიან გეგმას ეფუძნება, რომლის მიზანიც ეკონომიკური ზრდის ტემპის დაჩქარებაა.

აღინიშნა, რომ მშპ-ს მნიშვნელოვანი რეალური ზრდა ძირითადად შემდეგ სფეროებში დაფიქსირდა: დამამუშავებელი მრეწველობა; ტრანსპორტი; სხვა კომუნალური, სოციალური და პერსონალური მომსახურების გაწევა; უძრავი ქონება.  ეკონომიკურ ზრდაზე პოზიტიური გავლენა მოახდინა მომსახურების ექსპორტის ზრდამ.

როგორც აღინიშნა, საქართველოს მთავრობა  აქტიურად მუშაობს მცირე და საშუალო ბიზნესის განვითარების ხელშეწყობის, ფინანსებზე ხელმისაწვდომობის ზრდის, ვაჭრობის დივერსიფიკაციის და ინოვაციების წახალისების მიმართულებით, მიმდინარე და დაგეგმილი სტრუქტურული რეფორმები კი ხელს შეუწყობს ეკონომიკის სტრუქტურულ გაჯანსაღებასა და მთლიანი შიდა პროდუქტის პოტენციური დონის ზრდას.

განსაკუთრებული აქცენტი გაკეთდა რეფორმებზე, რომლებიც საქართველოში ხორციელდება ან სამომავლოდაა დაგეგმილი. მათ შორის, ყურადღება გამახვილდა საკრედიტო - საგარანტიო რეფორმაზე, რომლის განხილვაც უახლოეს პერიოდში დაიწყება. საკრედიტო - საგარანტიო მექანიზმის ამოქმედება საქართველოს მცირე და საშუალო ბიზნესს ფინანსებზე წვდომას მნიშვნელოვნად გაუადვილებს. რეფორმა ითვალისწინებს სპეციალური ფონდის ჩამოყალიბებას, რომელიც მცირე და საშუალო ბიზნესს ბანკებიდან აღებული სესხების დაბრუნებას გარანტორად დაუდგება. აღნიშნული რეფორმა კიდევ ერთ სტიმულს მისცემს მცირე და საშუალო ბიზნესის განვითარებას საქართველოში და შესაბამისად, ახალი სამუშაო ადგილების შექმნას.

შეხვედრაზე ითქვა, რომ აღნიშნული მექანიზმი უნიკალურია საქართველოს სინამდვილეში, თუმცა ის დიდი ხანია, წარმატებით არსებობს ევროპისა და აზიის ბევრ განვითარებულ ქვეყანაში. აღნიშნული მექანიზმის ამოქმედება არა მხოლოდ გაზრდის მცირე და საშუალო ბიზნესის ფინანსებზე ხელმისაწვდომობას, რაც შემდგომში მათ განვითარებას შეუწყობს ხელს, არამედ აქვს მნიშვნელოვანი გავლენა დასაქმების პროცესზეც, რაც არანაკლებ მნიშვნელოვანია.

(NS)

ავტორი: ,

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს