მთავრობის ადმინისტრაციასთან ჰომოფობიასა და ტრანსფობიასთან ბრძოლის საერთაშორისო დღესთან დაკავშირებით, აქცია დასრულდა.

აქციის მონაწილეები ტერიტორიიდან სამართალდამცველებმა ავტობუსებით გაიყვანეს.

ადგილზე შეკრებილებმა სიტყვით გამოსვლისას სახელმწიფოს მხრიდან მათ წინააღმდეგ უსამართლო პოლიტიკაზე ისაუბრეს. როგორც მათ აღნიშნეს, ქვეყანა სახელმწიფოდ არ ჩამოყალიბდება, სანამ ყველა მოქალაქის უფლება არ იქნება დაცული.

აქციაში 100-მდე ადამიანი მონაწილეობდა. მას შს მინისტრის მოადგილე ნინო ჯავახაძე, შინაგან საქმეთა სამინისტროს ადამინის უფლებათა დეპარტმანეტის ხელმძღვანელი ლონდა თოლორაია, ასევე დოპლომატიური კორპუსის, სახალხო დამცველის აპარატის წარმომადგენლები და სხვადასხვა უფლებადამცველი ორგანიზაციები დაესწრნენ. გარდა ამისა, ადგილზე იმყოფებიან პოლიტიკოსებიც, მათ შორის, პოლიტიკური გაერთიანება „გირჩის“ ლიდერი ზურაბ ჯაფარიძე, „ევროპული საქართველოს“ წევრი ელენე ხოშტარია, „რესპუბლიკური პარტიის“ წევრები თამარ კორძაია და ხათუნა სამნიძე.

დღევანდელ აქციას ინციდენტის გარეშე არ ჩაუვლია. მთავრობის ადმინისტრაციასთან პირმა, რომელიც აქციის მონაწილე არ იყო, ერთ-ერთ გამომსვლელს ფიზიკური შეურაცხყოფა მიაყენა, შემდეგ კი გაქცევა სცადა, თუმცა ის სამართალდამცველებმა დააკავეს. დაშავებულს სასწრაფო დახმარება დასჭირდა. როგორც ექიმებმა აღნიშნეს, მას დაზიანებები თავის და სახის არეში აღენიშნება.

ცნობისთვის, აქციის გამო, მთავრობის ადმინისტრაციასთან მისასვლელი ყველა გზა ჩაკეტილია. ქუჩების ნაწილზე პოლიციის ცოცხალი კორდონი დგას, ხოლო ნაწილზე სპეციალური ბარიერებია აღმართული. ასევე, მეტროსადგური „თავისუფლების მოედანი“ დროებით მგზავრებს არ ემსახურება.

ავტორი: ,

სოციალური ქსელები

რეჟიმის პოლიტპატიმარმა ნანა სანდერმა პენიტენციური დაწესებულება დატოვა

ენმ ითხოვს, რომ საქართველოს მოქალაქეებს აზარტული თამაშები აეკრძალოთ

GM PHARMA-მ საერთაშორისო GMP აუდიტი წარმატებით გაიარა

თიბისის ბიზნესმობაილბანკში ანაბრის გახსნა უკვე ციფრულადაა შესაძლებელი