2018-05-17 14:40:16, 1546 ნახვა

---

პატრიარქი: ოჯახი - ეს არის საფუძველი სახელმწიფოსი და ჩვენ შევთხოვთ უფალს, ბედნიერი იყოს ჩვენი ოჯახები

ჩვენ ვდღესასწაულობთ ოჯახის სიმტკიცეს. ოჯახი ეს არის საფუძველი სახელმწიფოსი, ქვეყნის და ჩვენ შევთხოვთ უფალს, რომ ბედნიერი იყოს ჩვენი ოჯახები, - ამის შესახებ საქართველოს კათოლიკოს პატრიარქმა ილია მეორემ სამების საკათედრო ტაძარში წირვის დროს განაცხადა.

პატრიარქმა მრევლს ამაღლების დღეც მიულოცა და ოჯახის სიწმინდის მნიშვნელობაზე ისაუბრა:

"სიხარული გაუგებარია, როცა საყვარელი პიროვნება გშორდება შენ, მაგრამ მოციქულებს მუდამ ახსოვდათ: "მე თქვენთან ვარ ყოველთა დღეთა, ვიდრე აღსასრულისა". დღესაც მაცხოვარი ჩვენი ჩვენთან არს. მადლობა უფალს დიდი წყალობისთვის. დღეს კიდევ ერთი დღესასწაულია - ჩვენ ვდღესასწაულობთ ოჯახის სიმტკიცეს. ოჯახი ეს არის საფუძველი სახელმწიფოსი, ქვეყნის და ჩვენ შევთხოვთ უფალს, რომ ბედნიერი იყოს ჩვენი ოჯახები", - განაცხადა ილია მეორემ.

ცნობისთვის, ტაძარში საყოველთაო ჯვრისწერა გაიმართა, რომელშიც მონაწილეობა 50-ზე მეტმა წყვილმა მიიღო.

---

ავტორი: ,

---

დღის თემა

მთავარი თემა

ინტერვიუ - ექსკლუზივი