17:10 - 11 May, 2026
ჩვენ შესახებ რეკლამა/ხელმოწერა
2018-05-16 10:39:43, 1155 ნახვა

საზოგადოება
თბილისის მერიას ინფრასტრუქტურის განვითარებისთვის 30 მლნ გამოეყოფა

თბილისის მერიას სახელმწიფო ბიუჯეტიდან, დედაქალაქში ინფრასტრუქტურული პროექტების განსახორციელებლად, 30 მილიონი ლარი გამოეყოფა, - ამის შესახებ თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა.

დედაქალაქის მერმა პრემიერ-მინისტრსა და ფინანსთა მინისტრს აღნიშნული გადაწყვეტილებისთვის მადლობა გადაუხადა და აღნიშნა, რომ დამატებითი ფინანსური რესურსი ინფრასტრუქტურის განვითარებაზე დაიხარჯება.

„სახელმწიფო ბიუჯეტში გამოინახა შესაძლებლობა, რომ მერიას უახლოეს დღეებში დამატებით, 30 მლნ ლარი გადმოეცეს, რომელიც ქალაქში ინფრასტრუქტურულ პროექტებს მოხმარდება. მინდა, მადლობა გადავუხადო პრემიერ-მინისტრსა და ფინანსთა მინისტრს, რადგან ეს ძალიან მნიშვნელოვანი თანხაა, რომლითაც ინფრასტრუქტურული პროექტების განხორციელებას შევძლებთ“, - განაცხადა კახა კალაძემ.

თბილისის მერმა ვიცე-მერს, ირაკლი ხმალაძეს სთხოვა, აღნიშნული 30 მლნ ლარის ათვისება მიმდინარე წლის ბოლომდე მოხდეს.

„აღნიშნული თანხა მომდევნო ორი წლის განმავლობაში, ინფრასტრუქტურული პროექტების განსახორციელებლად იყო განსაზღვრული, მაგრამ მოგვეცა საშუალება, რომ თანხა წელსვე ავითვისოთ. მომავალ წელს ეს 30 მლნ, რომელიც ბიუჯეტი აისახება, სპორტული კომპლექსების მშენებლობაზე დაიხარჯება, რაც ასევე, მნიშვნელოვანი საკითხია“, - აღნიშნა დედაქალაქის მერმა.

 

(NS)

 





ავტორი: ,


სოციალური ქსელები
კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა
ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა
არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე
შიო მუჯირი 22 ხმით სრულიად საქართველოს კათოლიკოს-პატრიარქი გახდა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics