სამართალდამცველებმა კონტრაქციის მონაწილეები პარლამენტის წინ, 9 აპრილის მემორიალთან შეუშვეს.

ისინი სიტყვით გამოვიდნენ და ხვალ, ფილარმონიიდან პარლამენტის შენობისკენ აქცია-მსვლელობა დააანონსეს. აღსანიშნავია, რომ კონტრაქციის მონაწილეები ტერიტორიას უკვე ტოვებენ.

რაც შეეხება აქციის „ჩვენი თავისუფლებისთვის“ მონაწილეებს, მათ ტერიტორია სამართალდამცველების დახმარებით დატოვეს. პარლამენტის შენობის ეზოში მათთვის პოლიციამ სპეციალური ავტობუსები განათავსა, რომლითაც ისინი ტერიტორიიდან გაიყვანა.

მანამდე კონტრაქციის მონაწილეები პოლიციის კორდონის გარღვევას რამდენჯერმე შეეცადნენ, თუმცა უშედეგოდ. ამასთან, ისინი სამართალდამცველებს ქვებს, ბოთლებს და სხავადასხვა საგნებს ესროდნენ, რის შედეგადაც ერთი სამართალდამცველი დაშავდა. გარდა ამისა, პოლიციამ კონტრაქციის 20-მდე მონაწილე დააკავა.

ამ დროისთვის პარლამენტის მიმდებარე ტერიტორიას სპეც დანიშნულების რაზმი და პოლიციის თანამშრომლების ნაწილიც ტოვებს, ვინაიდან ადგილზე დაპირისპირების საფრთხე აღარ არსებობს.

ავტორი: ,

სოციალური ქსელები

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა

არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე

შიო მუჯირი 22 ხმით სრულიად საქართველოს კათოლიკოს-პატრიარქი გახდა