აქციის „ჩვენი თავისუფლებისთვის“ მონაწილეებმა, რუსთაველის გამზირი პარლამენტის შენობის გავლით დატოვეს.

ისინი ტერიტორიიდან სამართალდამცველებმა სპეციალური ავტობუსებით გაიყვანეს.

აღსანიშნავია, რომ თავდაპირველად როდესაც „თეთრი ხმაურის მოძრაობის“ ლიდერმა, ბექა წიქარიშვილმა აქციის მონაწილეებს დაშლისკენ მოუწოდა, მომიტინგეებმა ტერიტორიის დატოვება ვერ შეძლეს, რადგან პარლამენტის მიმდებარე ტერიტორიაზე კონტრაქციის მონაწილეები იმყოფებოდნენ. სწორედ ამის გამო მოახდინეს სამართალდამცველებმა მათი გაყვანა პარლამენტის შენობის გავლით.

კონტრაქცია ამ დრომდე გრძელდება. მათ ჯერჯერობით 9 აპრილის მემორიალთან მისვლის საშუალებას სამართალდამცველები არ აძლევენ, რის გამოც რამდენიმე დაპირისპირებაც მოხდა. აქციის მონაწილეებმა პოლიციის მისამართით ქვები, ბოთლები და სხვადასხვა საგნები ისროლეს, რის შედეგადაც ერთი სამართალდამცველი დაშავდა.  პოლიციამ კონტრაქციის 20-მდე მონაწილე დააკავა.

ამ დროისთვის პარლამენტის შენობის მიმდებარე ტერიტორიაზე დასუფთავების სამსახურის თანამშრომლები მუშაობენ. ტერიტორიის დასუფთავების შემდეგ, კონტრაქციის მონაწილეებს 9 აპრილის მემორიალთან მისვლა შეეძლებათ.

ავტორი: ,

სოციალური ქსელები

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა

არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე

შიო მუჯირი 22 ხმით სრულიად საქართველოს კათოლიკოს-პატრიარქი გახდა