2018-05-12 12:57:54, 1542 ნახვა

---

ტურისტი ჩატარებულ სპეცოპერაციზე: ვაპირებ, მომხდარის შესახებ ჩემი ქვეყნის წარმომადგენლობა საქმის კურსში ჩავაყენო

„ვაპირებ, რომ მომხდარის შესახებ ჩემი ქვეყნის წარმომადგენლობა საქმის კურსში ჩავაყენო“,  - ამის შესახებ გუშინ კლუბ „ბასიანთან“ ჩატარებული სპეცოპერაციის ფარგლებში დაკავებულმა ბრიტანეთის მოქალაქემ მილო ალექსანდერ კრავერსმა „რუსთავი 2“-ს განუცხადა.

კრავრესმა მისი დაკავების პროცესი გაიხსენა და აღნიშნა, რომ პოლიციას ამის მიზეზი არ ჰქონდა.

„მე ვიყავი კლუბი „ბასიანის“ შესასვლელთან. უცებ მოვარდნენ პოლიციელები. ზოგირთი დააწვინეს. მე დამაკავეს იმისთვის, რომ თითქოსდა წინააღმდეგობა გავუწიე მათ საქმიანობის დროს. წამიყვანეს და მალევე გამათავისუფლეს, რადგან რეალურად არც არსებობდა ჩემი დაკავების მიზეზი. დამისვეს ძალიან ბევრი შეკითხვა. სიმართლე გითხრათ, მეც მქონდა მათთან კითხვები, რაზეც პასუხები თითქმის ვერ მივიღე. საელჩოსთვის ჯერ არ მიმიმართავს, მაგრამ ვაპირებ, რომ მომხდარის შესახებ ჩემი ქვეყნის წარმომადგენლობა საქმის კურსში ჩავაყენო“,- აღნიშნა ბრიტანელმა ტურისტმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი