სასტუმრო  „ქორთიარდ მარიოტი“-ში  პროექტის - „კლიმატის მწვანე ფონდისთვის მზადყოფნისა და მოსამზადებელი პროგრამის“  შესახებ შეხვედრა გაიმართა.

შეხვედრის მონაწილეებს, გარემოს დაცვისა და სოფლის მეურნეობის მინისტრის მოადგილემ ნინო თანდილაშვილმა, ეკონომიკისა და მდგრადი განვითარების მინისტრის მოადგილემ, ირმა ქავთარაძემ და გერმანიის საერთაშორისო თანამშრომლობის საზოგადოების (GIZ) სამხრეთ კავკასიის წარმომადგენლობის დირექტორმა, როლანდ შტოირერმა   სიტყვით მიმართეს. 

 გარემოს დაცვისა და სოფლის მეურნეობის სამინისტრო გერმანიის საერთაშორისო თანამშრომლობის საზოგადოების მხარდაჭერით, პროექტს „კლიმატის მწვანე ფონდისთვის მზადყოფნასა და მოსამზადებელ  პროგრამას“  ახორციელებს, რომელიც  მოიცავს საკოორდინაციო სტრუქტურის შექმნასა  და კლიმატის მწვანე ფონდისთვის ეროვნული პროგრამის შემუშავებას. ეროვნული პროგრამა წარმოადგენს ანალიტიკურ დოკუმენტს და ითვალისწინებს თანამშრომლობის გაძლიერებას კლიმატის მწვანე ფონდთან. ასევე, პროექტის ფარგლებში  განისაზღვრება პრიორიტეტები, რაც  ფონდიდან დამატებითი ფინანსური რესურსების მოზიდვას გულისხმობს.

კლიმატის მწვანე ფონდი გაერთიანებული ერების ორგანიზაციის კლიმატის ცვლილების ჩარჩო კონვენციის ფარგლებში შეიქმნა როგორც მისი მთავარი ფინანსური მექანიზმი. ფონდი მობილიზებას უწევს 100 მილიარდ აშშ დოლარს, რომლითაც მოხდება განვითარებადი ქვეყნების დაბალემისიანი და მდგრადი განვითარების პროექტებისა და პროგრამების დაფინანსება.

შეხვედრას კერძო და საჯარო სექტორის,  საერთაშორისო და  არასამთავრობო ორგანიზაციების  წარმომადგენლები ესწრებოდნენ. 

(NS)

ავტორი: ,

სოციალური ქსელები

საქართველოში უფრო მეტი ადამიანი დაუსაქმებელი რჩება, დასაქმების დონე 0.2 პროცენტული პუნქტით შემცირდა

მეუფე იოანე - აშკარაა, რომ გამოცდილება მეუფე შიომ მიიღო უშუალოდ პატრიარქთან ურთიერთობისას

მეუფე ანდრია - 3 კანდიდატია და სამივე მოსალოდნელია პატრიარქი გახდეს

ბაზისბანკის მხარდაჭერით ახალი მასშტაბური კომპლექსი EZO კოლოსისგან შენდება