იუსტიციის სამინისტროს ეროვნული არქივის საგამოფენო პავილიონში გაიხსნა პოლონურ-ქართული ისტორიკოსთა კომისიის მეორე საერთაშორისო კონფერენცია და გამოფენა „ამიერკავკასიის რესპუბლიკისა და სეიმის 100 წლისთავი".

ღონისძიება ეროვნული არქივის გენერალურმა დირექტორმა თეონა იაშვილმა და პოლონეთის ელჩმა საქართველოში მარიუშ მაშკიევიჩმა გახსნეს.

ამიერკავკასიის საუკუნისწინანდელი ისტორიის შესახებ კონფერენციაზე მოხსენებებით  გამოვიდნენ ქართველი და პოლონელი ისტორიკოსები: დავით ყოლბაია, ვლოდიმირ სულეია, ვოიცეხ მატერსკი,  ოთარ ჯანელიძე, ჰენრიკ პაპროკი, დიმიტრი სილაქაძე, გიორგი მამულია, მიხეილ ბახტაძე, ბექა კობახიძე და სხვები.

ამიერკავკასიის საკანონმდებლო ორგანოს - სეიმისა და ამიერკავკასიის ფედერაციული რესპუბლიკის დაარსებიდან 100 წელი გავიდა.

გამოფენა და კონფერენცია ნაწილია საქართველოს პირველი რესპუბლიკის დაარსებიდან 100 წლის იუბილესადმი მიძღვნილი ღონისძიებებისა, რომელსაც საქართველოს ეროვნული არქივი 2018 წელს ატარებს.

ექსპოზიციაზე წარმოდგენილია ამიერკავკასიის სეიმისა და ფედერაციული რესპუბლიკის შესახებ არქივში დაცული მნიშვნელოვანი დოკუმენტები და ფოტოები.

გამოფენის გახსნის პარალელურად გაიმართა ვარშავის უნივერსიტეტის ქართველოლოგიური სამეცნიერო ჟურნალის -,,პრო გეორგიას" ახალი ნომრის პრეზენტაცია.

გამოფენა „ამიერკავკასიის რესპუბლიკისა და სეიმის 100 წლისთავი" 3 მაისამდე გაგრძელდება.

(R)

ავტორი: ,

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა