საქართველოს იუსტიციის სამინისტროს ეროვნული არქივის რესტავრატორები კრაკოვის ეროვნული მუზეუმის თავადი ჩარტორისკების ბიბლიოთეკაში დაცული ქართული ხელნაწერების დაზიანების ხარისხს სწავლობენ, რის შემდეგაც სარესტავრაციო მეთოდიკასა და გეგმას შეადგენენ.

ქართველი რესტავრატორები პოლონეთში კრაკოვის ეროვნული მუზეუმის, საქართველოს კულტურული მემკვიდრეობის დაცვის სააგენტოსა და საქართველოს ეროვნული არქივის შეთანხმების საფუძველზე იმყოფებიან, რათა ქართულ ხელნაწერთა სარესტავრაციო და საკონსერვაციო საჭიროებები განსაზღვრონ.

ჩარტორისკების ბიბლიოთეკაში, რომელიც ცოტა ხნის წინათ გახდა კრაკოვის ეროვნული მუზეუმის საკუთრება, XI-XVIII საუკუნეების  11 ქართული ხელნაწერია დაცული. მათ შორის სამი ეტრატზეა შესრულებული. წინასწარი ინფორმაციით, ოთხი ხელნაწერი უკიდურესად მძიმე მდგომარეობაშია, ხოლო ექვსმა მეტნაკლები სიმძიმის დაზიანებებით მოაღწია ჩვენამდე.

ქართველი სპეციალისტების დასკვნის შემდეგ ქართული და პოლონური მხარეები ხელნაწერთა რესტავრაციის დეტალებზე შეთანხმდებიან.

(NS)

ავტორი: ,

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა