ამერიკის შეერთებულ შტატებში ვიზიტის ფარგლებში, ფინანსთა მინისტრი მამუკა ბახტაძე საერთაშორისო საფინანსო კორპორაციის (IFC) ვიცე-პრეზიდენტს, ჯორჯინა ბეიქერს (Georgina Baker) შეხვდა.

სამინისტროს ინფორმაციით, მხარეებმა საქართველოში საერთაშორისო საფინანსო კორპორაციის მიმდინარე და სამომავლო პროექტებზე ისაუბრეს.

ფინანსთა მინისტრმა IFC-ის ვიცე-პრეზიდენტს გააცნო ის პოზიტიური დინამიკა, რაც 2017 წლის ბოლოს და  2018 წლის დასაწყისიდან აღინიშნება ეკონომიკაში.  ასევე, განიხილეს ის რეფორმები, რომელთა მიზანია, საშუალო და მცირე ბიზნესის წახალისება, ადამიანური კაპიტალის განვითარება.

ფინანსთა მინისტრმა IFC-ის  ვიცე-პრეზიდენტს მადლობა გადაუხადა ქვეყნისთვის პრიორიტეტული სექტორების დაფინანსებისთვის, მათ შორის, ისეთ სექტორებში, როგორიცაა: საფინანსო სფერო, სოფლის მეურნეობა, მრეწველობა, ჯანდაცვა, ინფრასტრუქტურა, ენერგეტიკა, მცირე და საშუალო საწარმოების მხარდაჭერა, კაპიტალის ბაზარი.

„შეხვედრაზე განვიხილეთ საერთაშორისო საფინანსო კორპორაციასა და საქართველოს შორის წარმატებით მიმდინარე ორმხრივი თანამშრომლობის საკითხები. მოხარული ვარ, რომ პარტნიორობა გრძელდება. ჩვენ მომავალშიც ვაპირებთ საქართველოს მხარდაჭერას", - აღნიშნა საფინანსო კორპორაციის ვიცე-პრეზიდენტმა.

ცნობისთვის, საერთაშორისო საფინანსო კორპორაცია (IFC) მსოფლიო ბანკის ჯგუფის წევრი და განვითარებაზე ორიენტირებული ყველაზე მსხვილი საერთაშორისო ინსტიტუტია. მსოფლიო ბანკის კერძო სექტორის ოპერაციები სწორედ IFC-ის მიერ ფინანსდება. ბოლო ორი ათწლეულის განმავლობაში,  იგი ინვესტიციებით და საკონსულტაციო მომსახურებით საქართველოში ხელს უწყობს კერძო სექტორის განვითარებას.

(NS)

ავტორი: ,

სოციალური ქსელები

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს

უკრაინის შეიარაღებულმა ძალებმა მოსკოვს პუტინის მონაწილეობით გამართული სამიტის დღეს შეუტიეს