|
2018-04-21 10:30:04, 1702 ნახვა
სამართალი
ესპანეთის ეროვნული პოლიციის დელეგაციამ შსს-ს დანაყოფების ხელმძღვანელებთან შეხვედრები გამართა
საქართველოში ოფიციალური ვიზიტის ფარგლებში, ესპანეთის სამეფოს ეროვნული პოლიციის კრიმინალური პოლიციის დეპარტამენტის გენერალური კომისარი - ელოი კუიროს ალვარესი, დელეგაციასთან ერთად, საქართველოს შინაგან საქმეთა სამინისტროს დანაყოფებს ესტუმრა. შსს-ს ინფორმაციით, ელოი კუიროს ალვარესმა ცენტრალური კრიმინალური პოლიციის დეპარტამენტის, საერთაშორისო ურთიერთობების დეპარტამენტის, „112“-ის დეპარტამენტის, მიგრაციის დეპარტამენტის და ერთობლივი ოპერაციების ცენტრის ხელმძღვანელებთან შეხვედრები გამართა. ქართველმა და ესპანელმა სამართალდამცველებმა ორ ქვეყანას შორის არსებული ეფექტიანი საპოლიციო თანამშრომლობის შესახებ ისაუბრეს და ინტენსიური თანამშრომლობის შედეგად, ერთობლივად ჩატარებული წარმატებული ოპერაციები ხაზგასმით აღნიშნეს. ქართულმა მხარემ სტუმრებს საქართველოს შინაგან საქმეთა სამინისტროს მიერ ქურდული სამყაროს წინააღმდეგ ბრძოლის მიმართულებით განხორციელებული ღონისძიებები და საკანონმდებლო ცვლილებები, მიმდინარე და დაგეგმილი პროექტები გააცნო. თავის მხრივ, ესპანელმა სამართალდამცველებმა ქართველ კოლეგებს ორგანიზებულ დანაშაულთან ეფექტიანი ბრძოლის საკუთარი გამოცდილება გაუზიარეს. ვიზიტის ფარგლებში, მხარეებმა ურთიერთთანამშრომლობის მემორანდუმის დეტალებიც განიხილეს, რომელსაც უახლოეს მომავალში მოეწერება ხელი. ესპანეთის ინიციატივით, ასევე, იგეგმება საქართველოში პოლიციის ატაშეს მოვლინება, რაც ორი ქვეყნის სამართალდამცავ უწყებებს შორის თანამშრომლობას კიდევ უფრო ეფექტიანს გახდის. დელეგაციის წევრები შინაგან საქმეთა სამინისტროს დანაყოფებს ესტუმრნენ და მათი მუშაობის სტრუქტურას, აღჭურვილობას და შესაძლებლობებს გაეცნენ.
(NS)
იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება
მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა
სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში
ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
ათობით ადამიანი დაშავდა, საცხოვრებელი შენობა განადგურდა დნეპრზე მომხდარი დარტყმის შემდეგ
რუსებმა ოდესაში საცხოვრებელი სახლები დაბომბეს, რის შედეგადაც ორი ადამიანი დაიღუპა და 15 დაშავდა
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)