საქართველო პოსტსაბჭოთა სივრცეში, გარდა ბალტიის ქვეყნებისა, ყველაზე ნაკლებად კორუმპირებულ ქვეყანად რჩება, - ამის შესახებ  Freedom House-ის ანგარიშშია აღნიშნული.

დოკუმენტის მიხედვით, საქართველოს აქვს ძლიერი ანტიკორუფციული კანონმდებლობა, თუმცა როგორც წინა წლებში, კანონის აღსრულება 2017 წელსაც ხშირად პრობლემური იყო  უმეტესად სასამართლოს, ასევე პროკურორის ოფისის და კანონის აღსრულების სააგენტოებში. ამის მიზეზი კი, ორგანიზაციის ცნობით, დამოუკიდებლობისა და ეფექტურობის  ნაკლებობაა. 

ანგარიშში ნათქვამია, რომ ანტიკორუფციული ინსტიტუტების მიმართ საზოგადოების ნდობა ოდნავ შემცირდა.  აქ წერია რომ „ქართული ოცნებას“ კორუფციის სხვადასხვა ფორმებში და ნეპოტიზმშიც ადანაშაულებენ.

„თუმცა, ნეპოტიზმის ინდივიდუალური შემთხვევები საქართველოს საერთო იმიჯს საფრთხეს არ უქმნის“, - ნათქვამია ანგარიშში.

გარდა ამისა, დოკუმენტის მიხედვით,  2017 წელს, სახელმწიფო ორგანოებზე ივანიშვილის გავლენის შესახებ, რამდენიმე სადავო შემთხვევამ ეჭვები გააჩინა.  მაგალითისთვის კი ნახსენებია,  „პანორამა თბილისის“ შეთანხმება, სადაც თბილისის მერიამ ივანიშვილთან დაკავშირებულ კომპანიას 19000 კვადრატული მეტრის მიწის ნაკვეთი, სიმბოლურად 1 ლარად გადასცა.

შეგახსენებთ, საერთაშორისო ორგანიზაცია Freedom House-მა მსოფლიოში თავისუფლების შესახებ მორიგი ანგარიში გამოაქვეყნა. კვლევის თანახმად, საქართველო კვლავ ნაწილობრივ თავისუფალ ქვეყნებს შორის მოხვდა.

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება