შვეიცარია საქართველოში რუსეთის ინტერესების წარდგენას გააგრძელებს, - ამის შესახებ „რია ნოვოსტი“ იუწყება.

"შვეიცარიის საელჩომ მიიღო და გადასცა რუსეთის სექციას, საქართველოს საგარეო საქმეთა სამინისტროს ნოტა დიპლომატის გაძევების თაობაზე. აღნიშნული მოთხოვნა არ იმოქმედებს შვეიცარიის მანდატზე საქართველოში რუსეთის ინტერესები წარადგინოს და ასევე რუსეთში საქართველოს ინტერესების წარდგენა განახორციელოს", - აცხადებენ შვეიცარიის საელჩოში.

თავად რუსეთის ინტერესების სექცია, დიპლომატის გაძევებაზე კომენტარს არ აკეთებს.

ცნობისთვის, „სკრიპალის საქმის“ გამო, საქართველო რუს დიპლომატს აძევებს. საგარეო საქმეთა სამინისტრო საქართველოში შვეიცარიის კონფედერაციის საელჩოს რუსეთის ინტერესების სექციის თანამშრომელს მიუღებელ პიროვნებად აცხადებს და მოითხოვს მის მიერ საქართველოს დატოვებას 7 დღის ვადაში.

შეგახსენებთ, რომ კონფლიქტი ბრიტანეთსა და რუსეთს შორის მას შემდეგ დაიწყო, რაც ქვეყნის პრემიერმა ტერეზა მეიმ ოფიციალური კრემლი, რუსეთის დაზვერვის ყოფილი ოფიცრის სერგეი სკრიპალის მოწამვლაში და ქიმიური იარაღის "ნოვიჩოკის" გამოყენებაში დაადანაშაულა. თავის მხრივ რუსეთი ბრალდებებს უარყოფს. რუსეთის საგარეო უწყების წარმომადგენელმა მარია ზახაროვამ ტერეზა მეის ბრალდებებს "პოლიტიკური შოუ" უწოდა.

აღნიშნული სკანდალის აგორების შემდეგ დიდ ბრიტანეთს სოლიდარობა ნატოს- და ევროკავშირის წევრმა ქვეყნებმა გამოუცხადეს და რუსი დიპლომატები გააძევეს. ამ დროისთვის სულ 150-მდე რუსი დიპლომატია გაძევებული.

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში