აშშ-ს პრეზიდენტმა დონალდ ტრამპმა ხელი მოაწერა ამერიკის ბიუჯეტის კანონს, რომელშიც აფხაზეთის და ცხინვალის რეგიონების ოკუპაციაა დაგმობილი. 

ტექსტის თანახმად, ხსენებული კანონით გამოყოფილი დაფინანსებით ვერ ისარგებლებს ვერც ერთი ქვეყნის ცენტრალური მთავრობა, თუ აშშ-ის სახელმწიფო მდივანი დაადგენს და ასიგნებების კომიტეტს წარუდგენს ანგარიშს იმის თაობაზე, რომ აღნიშნულმა ქვეყანამ აღიარა რუსეთის მიერ ოკუპირებული აფხაზეთისა და ცხინვალის რეგიონის/სამხრეთ ოსეთის დამოუკიდებლობა, ან მათთან დაამყარა დიპლომატიური ურთიერთობები.

კანონი მოუწოდებს აშშ-ის სახელმწიფო დეპარტამენტს, დროულად გამოაქვეყნოს ამგვარი ქვეყნების სია სახელმწიფო დეპარტამენტის ვებ-გვერდზე.

ბიუჯეტის დოკუმენტში შესაბამისი მუხლი დასათაურებულია როგორც "წინააღმდეგობა რუსეთის აგრესიისაგან". გარდა ამისა, ამავე მუხლის თანახმად, აკრძალულია აშშ-ს ფედერალური ფულის, ან სხვა სახსრების გამოყოფა რუსეთის დასახმარებლად.

"რუსეთის წინააღმდეგობის ფონდს" კი დამატებით 250 მილიონი აშშ დოლარი გამოეყო.

ბიუჯეტის თავში ნათქვამია, რომ აშშ-მ უნდა გააორმაგოს მის მოკავშირეებთან და რუსეთის მოწინააღმდეგეებთან თანამშრომლობა. 

ტრამპის მიერ ხელმოწერილი, დეტალური დოკუმენტი უკვე გამოქვეყნდა.

ავტორი: ,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა