„არსებობს იმის ნიშნები,  რომ სასამართლო ხელისუფლება იმართება  ერთი კონკრეტული ჯგუფის მიერ“,-ამის შესახებ იუსიტიციის უმაღლესი საბჭოს წევრმა ანა დოლიძემ საბჭოში გამართული კენჭისყრის შემდეგ განაცხადა, რომლის მეშვეობითაც  7 მოსამართლე უვადოდ გამწესდა.

„ამ ჯგუფის ძალაუფლება თავმოყრილია თავმჯდომარეების მანდატში. შესაბამისად,  ერთ-ერთი ინციატივა, რომელიც მაქვს,  არის თავმჯდომარის ინსტიტუტის ცვლილება, რადგან თუ  ამ ჯგუფს ფორმალური ბერკეტიები არ ექნება, ისინი ვერ შეძლებენ ფორმალური ბერკეტის საშუალებით მოსამართლეების მართვას“,-აღნიშნა ანა დოლიძემ.

საბჭოს კიდევ ერთი წევრი ნაზი ჯანეზაშვილი მიიჩნევს, რომ მოსამართლეების  დანიშვნის დროებით შეჩერების საკითხი უნდა განიხილონ:

„დახურულ სხდომაზე ჩვნემა უცხოელმა პარტნიორებმა დაყენს საკითხი და იყო რეკომენდაცია,

დროებით ხომ არ შეჩერდეს მოსამართლეების დანიშვნა იქამდე,  ვიდრე არ შეიცვლება და დაიხვეწება პროცედურები (რაშიც იგულისხმება ღია კონკურსები და არა მოსამართლეების ე.წ. გადანიშვნა, რომელიც ახორციელებს  მოსამართლის უფლებას), ვფიქრობ ეს განსახილველი საკითხია“,-განაცხადა ნაზი ჯანეზაშვილმა.

იუსტიციის უმაღლესი საბჭოს მდივანი გიორგი მიქაუტაძე ირწმუნება, რომ იუსტიციის საბჭო კოლეგიურად იღებს გადაწყვეტილებებს და არანაირი გავლენიანი ჯგუფები არ არსებობს:

„არანაირ გავლენიან ჯგუფებზე საუბარი არ არის, იუსტიციის უმაღლესი საბჭო მუშობს ჩვეულ რეჟიმში, საქმიან რეჟიმში და კოლეგიურად იღებს  გადაწყვეტილებებს ამა თუ იმ საკითხზე“,-განაცხადა გიორგი მიქაუტაძემ.

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ