საქართველოს შეიარაღებული ძალების გენერალური შტაბის უფროსი ვიზიტით ბრიუსელში იმყოფება.

თავდაცვის სამინისტროს ინფორმაციით, დღეს, გენერალ-მაიორი ვახტანგ კაპანაძე გენერალური შტაბის უფროსების დონეზე გამართულ ევროკავშირის სამხედრო კომიტეტის სხდომას დაესწრო. საქართველომ, როგორც პარტნიორმა ქვეყანამ, პირველად მიიღო მონაწილეობა მსგავსი ტიპის 28+6 ფორმატის შეხვედრაში.

სხდომა ევროკავშირის სამხედრო კომიტეტის თავმჯდომარემ გახსნა. გენერალმა პატრიკ დე რუზიემ ქართულ მხარეს მადლობა გადაუხადა ევროკავშირის ეგიდით მიმდინარე მისიებში შეტანილი წვლილისთვის. როგორც სამხედრო კომიტეტის თავმჯდომარემ აღნიშნა, მას საშუალება ჰქონდა ქართული ქვედანაყოფები პირადად მოენახულებინა ცენტრალური აფრიკის რესპუბლიკაში. გენერალმა იმედი გამოთქვა, რომ ნაყოფიერი თანამშრომლობა მომავალშიც გაგრძელდება. სხდომაზე სიტყვით გამოვიდა საქართველოს შეიარაღებული ძალების გენერალური შტაბის უფროსი. გენერალ-მაიორმა ვახტანგ კაპანაძემ ცენტრალური აფრიკის რესპუბლიკასა და მალიში ევროკავშირის მისიებში ქართული კონტინგენტის მონაწილეობასა და უახლოეს მომავლში დაგეგმილ კონტრიბუციაზე ისაუბრა.

პარტნიორობის სესიაზე ევროკავშირის ეგიდით მიმდინარე მისიებზე, მიღწეულ პროგრესსა და არსებულ გამოწვევებზე ისაუბრეს. შეხვედრა მიზნად ისახავდა ევროკავშირის მისიების უკეთ ორგანიზებას, როგორიცაა ძალთა დაგეგმვა, უზრუნველყოფა და მხარდაჭერა.

ვიზიტის ფარგლებში გენერალ-მაიორი ვახტანგ კაპანაძე ნატოს შტაბ-ბინაში ნატოს სამხედრო კომიტეტის სხდომას დაესწრება და ორმხრივ შეხვედრებს გამართავს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე

„სოლიდუსი“ ოკუპირებული აფხაზეთის მომარაგებისთვის ბენზინს ეძებს