სამართალდამცველებმა მელორ ვაჩნაძე დააკავეს

2018-03-21 13:17:19, 1814 ნახვა

სამართალი

სამართალდამცველებმა მელორ ვაჩნაძე დააკავეს.

როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, მას ბრალად პოლიციისთვის წინააღმდეგობის გაწევა და ხულიგნობა ედება.

„მისი დაკავება მოხდა ადმინისტრაციული წესით, პოლიციისთვის წინააღმდეგობის გაწევისა და წვრილმანის ხულიგნობით მუხლებით (166-ე, 173-ე)“, - განაცხადეს უწყებაში.

იგი ამ დროისთვის წინასწარი დაკავების იზოლატორში იმყოფება.

გავრცელებული ინფორმაციით, მელორ ვაჩნაძე გუშინ საღამოს არაფხიზელ მდგომარეობაში ღუდუშაურის კლინიკაში მივიდა და ერთ-ერთ პაციენტთან შესვლას ითხოვდა. ვინაიდან მნახველების შესვლის დრო ამოწურული იყო, მას კლინიკის დაცვამ შენობაში შესვლის უფლება არ მისცა. აღნიშნულის გამო ვაჩნაძემ დაცვის თანამშრომელს სიტყვიერი შეურაცხყოფა მიაყენა, რის შემდეგაც იგი დააკავეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები