2017 წელს საქართველოში გვარი 8 339-მა პირმა შეიცვალა, - ამის შესახებ იუსტიციის მინისტრის მოადგილემ მიხეილ სარჯველაძემ დღეს პარლამენტში განაცხადა.

მისი ინფორმაციით, გასულ წელს პირდაპირი აღმავალი შტოს ნათესავის გვარი მიიღო 1977-მა მამაკაცმა და 5467-მა ქალმა, ხოლო მეუღლის გვარი - 418-მა მამაკაცმა და 477-მა ქალმა.

აღსანიშნავია, რომ გასულ წელს 59-მა პირმა სახელი ან გვარი ორჯერ შეიცვალა, ხოლო ერთმა პირმა - 4-ჯერ.

ცნობისთვის, 6 მარტის მთავრობის სხდომაზე საქართველოში გვარის შეცვლის რეგულაციების გამკაცრების შესახებ კანონპროექტი დაამტკიცეს. იუსტიციის მინისტრმა თეა წულუკიანმა მაშინ განაცხადა, რომ გვარის შეცვლა საერთოდ არ იკრძალება, არამედ მეტისმეტად ლიბერალური პოლიტიკა მკაცრი პოლიტიკით იცვლება. გვარის შეცვლის წესის გამკაცრება საქართველოს მოქალაქეების მხრიდან უვიზო მიმოსვლის რეჟიმის პირობების დარღვევის გახშირებულ ფაქტებს  უკავშირდება. გვარის შეცვლა მოქალაქეს სრულწლოვანების ასაკში ერთხელ შეეძლება (აქ იგულისხმება გვარის შეცვლა მამობის დადგენის საფუძვლით, მშობელთა შეერთებული გვარის, პირდაპირი აღმავალი შტოს ერთ-ერთი ნათესავის გვარის მიღება) გარდა იმ შემთხვევისა, თუ საქმე ქორწინება-განქორწინებასთან  გვაქვს.

ცვლილებები საბოლოოდ დასამტკიცებლად  საკანონმდებლო ორგანოს გადაეგზავნება.

ავტორი: ,

სოციალური ქსელები

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას

კანარის კუნძულებზე MV Hondius-ის მგზავრების ევაკუაცია მიმდინარეობს, სადაც ჰანტავირუსი დაფიქსირდა