საგარეო ურთიერთობა კომიტეტმა დღევანდელ სხდომაზე უმრავლესობის მიერ ინიცირებულ რეზოლუციას და უმცირესობასთან კონსულტაციების შედეგად შეთანხმებულ ტექსტს მხარი დაუჭირა.

საპარლამენტო უმრავლესობის ლიდერის არჩილ თალაკვაძის განცხადებით, რეზოლუციაში საქართველოს მოქალაქეების სიცოცხლის, თავისუფლებისა და ჯანმრთელობის წინააღმდეგ ჩადენილ მძიმე დანაშაულებს  მკაცრი შეფასებები ეძლევა. რეზოლუციის ტექსტში ასევე კონკრეტული ქმედებებია განსაზღვრული.

"ეს არის პირველ რიგში, რომ არჩილ ტატუნაშვილის ცხედარი გადმოეცეს ოჯახს.საფუძვლიანი გამოძიების ჩატარება ამ ფაქტზე,მათ შორის საერთაშორისო აქტორების მონაწილეობით.ეს არის ადამიანის უფლებათა დაცვის საერთაშორისო მექანიზმების დაშვება ოკუპირებულ რეგიონებში და ეს არის სპეციალური სიის შექმნა, სადაც ჩვენი მოქალაქეების სიცოცხლის და უფლებების წინააღმდეგ ჩადენილ მძიმე დანაშაულებში ბრალდებული და მსჯავრდებული პირების შეყვანა მოხდება და მათ მიმართ საქართველოს ხელისუფლება იმუშავებს, რომ დაწესდეს შეზღუდვები, როგორც  ქვეყნის შიგნით, ისე საერთაშორისო მასშტაბით. პარლამენტი მიიღებს ერთ, პრინციპულ, ძლიერ  ტექსტს, როდესაც საქმე ეხება ჩვენი ქვეყნის ეროვნულ ინტერესებსა და ჩვენი მოქალაქეების სიცოცხლესა და მათ უფლებებს", - აღნიშნა თალაკვაძემ.

რაც შეეხება რეზოლუციაში ასახული მექანიზმების აღსრულების საკითხს, თალაკვაძის განმარტებით,პარლამენტი მიმართავს საერთაშორისო თანამეგობრობასა და საქართველოს მთავრობას სპეციალური სიის შექმნასთან დაკავშირებით.

თუმცა თალაკვაძე ამ ეტაპზე არ აკონკრეტებს, რომელი უწყება იქნება აღსრულებაზე პასუხისმგებელი.

აღსანიშნავია, რომ  უმრავლესობას რეზოლუციაში რამდენიმე დამატების შეტანა სურს.კერძოდ, ოთხოზორია-ტატუნაშვილის სახელების გასწვრივ გაკეთდეს ჩანაწერი დავით ბაშარულის შესახებ, რომელიც 2014 წელს გაუჩინარდა, შემდეგ კი, თალაკვაძის თქმით, დადგინდა, რომ საოკუპაციო რეჟიმის მხრიდან მოხდა მაღალი ალბათობით მისი სიცოცხლის ხელყოფა.

აგრეთვე, მმართველი გუნდის ინიციატივაა, ტექსტში გაკეთდეს ჩანაწერი დევნილების დაბრუნებასთან დაკავშირებით.

დოკუმენტის პლენარულ სხდომაზე გატანამდე, საპარლამენტო უმრავლესობასა და უმცირესობას შორის მორიგი კონსულტაციები გაიმართება, რა დროსაც რეზოლუციის საბოლოო ვარიანტზე შეთანხმება მოხდება.

ავტორი: ,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება