საპარლამენტო უმრავლესობის ლიდერის არჩილ თალაკვაძის განცხადებით, რუსეთთან დაკავშირებით, პრემიერის განცხადების კრიტიკა მიუღებელია.

როგორც მან აღნიშნა, ეს განცხადება იყო იმ პრემიერის, რომელსაც აქვს აღებული პასუხისმგებლობა ქვეყნის მშვიდობიან განვითარებაზე.

თალაკვაძის შეფასებით, გიორგი კვირიკაშვილის განცხადება სახელმწიფოს მიზნებთან სრულ თანხვედრაშია:

"არ დაგეთანხმებით იმ  შეფასებებში, რომელიც  პრემიერის განცხადებასთან დაკავშირებით გავაკეთეთ პრემიერის განცხადება იყო იმ ადამიანის, იმ პრემიერის  განცხადება, რომელსაც აქვს აღებული პასუხისმგებლობა  ქვეყნის მართვაზე და გუნდთან ერთად ქვეყნის მშვიდობიან განვითარებაზე. ვინაიდან ყველგან ყველაფერი შედეგებით იზომება, გთხოვთ, დავფიქრდეთ იმ პოლიტიკის შედეგებზე, რომელსაც უჭერთ მხარს. შედეგები კი მარტივად ჩანს. ჩვენმა პრაგმატულმა საგარეო პოლიტიკამ საქართველოს,  მიუხედავად დარღვევებისა, რაც ხდება, მოიტანა მშვიდობა, სტაბილურობა და ის, რომ საქართველო რეგიონში ერთ-ერთი ყველაზე უსაფრთხო ქვეყანაა",-განაცხადა თალაკვაძემ.

მისივე თქმით, აბაშიძე-კარასინის ფორმატის გაუქმების თაობაზე მოთხოვნა რეზოლუციაში გათვალისწინებული არ იქნება.

"ცალსახად იყო შეფასებული დადებითად საერთაშორისო საზოგადოების  მხრიდან  ყველა ის ფორმატი, რომელსაც საქართველო იყენებს. ვერ და არ მოხდება ამ საკითხის გათვალისწინება",-აღნიშნა თალაკვაძემ. 

ავტორი: ,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება