„კვების ობიექტების მხრიდან ნებისმიერ დარღვევაზე უკომპრომისოები ვიქნებით“, - ამის შესახებ "ექსპრესნიუსს" გარემოს დაცვისა და სოფლის მეურნეობის მინისტრმა ლევან დავითაშვილმა განუცხადა.

მისი თქმით, საქართველო ტურისტებისთვის გასტრონომიული ქვეყანაცაა და სამინისტრო კვებითი ობიექტების მხრიდან სანიტარულ-ჰიგიენური ნორმების დარღვევას არ დაუშვებს.

დავითაშვილმა აღნიშნა, რომ სამინისტრო გააგრძელებს კვებითი ობიექტების შემოწმებას და მაღალი კონტროლის განხორციელებას.

"კვებითი ობიექტების, შემოწმება სანიტარულ ჰიგიენურ ნორმებზე და სურსათის უსაფრთხოებაზე, მთავარი პრიორიტეტია რადგან საქართველო ტურისტებისთვის გასტრონომიული ქვეყანაცაა. არ უნდა დავუშვათ, რომ რამდენიმე არაკეთილსინდისიერმა მეწარმემ, საერთო ჯამში ბიზნესიც და ტურიზმის სფეროც დააზარალოს", - განაცხადა დავითაშვილმა.

მისივე თქმით, სურსათის უვნებლობის სააგენტოს და სხვა უწყებების მიზანი არაა ბიზნესის დასჯა, თუმცა ჯარიმები და საწარმოო პროცესის შეჩერება სხვადასხვა კაფე რესტორანში პრევენციას ემსახურება.

შეგახსენებთ, სახელმწიფო კონტროლის ფარგლებში, დოკუმენტური შემოწმება და ინსპექტირება ჩატარდა 19 რესტორანსა და კაფე-ბარში. მათ შორის, 7 მათგანს კრიტიკული შეუსაბამობების გამო საწარმოო პროცესი შეუჩერდა.

როგორც ცნობილია, კრიტიკული შეუსაბამობები გამოვლინდა შემდეგ ობიექტებში: „თაღლაურა“; „ძველი ქალაქი“; „პლაზა ჰოლი“; „კრუიზი“; „ოქროს კათხა“ და „მუხამბაზი“. აღნიშნულ ობიექტებს საწარმოო პროცესი შეუჩერდათ და 1000 ლარით დაჯარიმდნენ. 

ავტორი: ,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება