მეტროსადგური „გურამიშვილი“ მგზავრებისთვის აპრილის ბოლოს გაიხსნება

2018-03-14 11:03:08, 1589 ნახვა

საზოგადოება

მეტროსადგური „გურამიშვილი“ დაგეგმილი 15 მარტის ნაცვლად, აპრილის ბოლოს გაიხსნება. ამის სესახებ ინფორმაციას თბილისის სატრანსპორტო კომპანია ავრცელებს.

როგორც განცხადებაშია აღნიშნული, თარიღის გადაწევა დამატებითი ექსპერტიზის ჩატარებამ გამოიწვია.

„თარიღის გადაწევა დამატებითმა ექსპერტიზის ჩატარებამ გამოიწვია, რომლის დასრულებამდე, მეტროსადგურში მიმდინარე სარემონტო სამუშაოები დროებით შეჩერდა.

მიმდინარე წლის 30 იანვარს, მეტროსადგურ „ვარკეთილის“ ქვედა ვესტიბიულში შეკიდული ჭერის ჩამოშლის შემდეგ, თბილისის მერიისა და სატრანსპორტო კომპანიის გადაწყვეტილებით, ლევან სამხარაულის სახელობის ექსპერტიზის ეროვნული ბიურო მგზავრთა უსაფრთხოების მიზნით, ყველა მეტროსადგურის მდგომარეობას ამოწმებს.

თბილისის სატრანსპორტო კომპანია შექმნილი დისკომფორტისთვის ბოდიშს გიხდით“,- ნათქვამია განცხადებაში.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები