ადამიანის უფლებათა დაცვისა და სამოქალაქო ინტეგრაციის კომიტეტმა დღევანდელ სხდომაზე პირველი მოსმენით პრინციპების დონეზე მხარი დაუჭირა "ორგანიზებული დანაშაულისა და რეკეტის შესახებ" კანონპროექტს და თანმდევ ცვლილებებს.

მომხსენებლის, შინაგან საქმეთა მინისტრის მოადგილის ნათია მეზვრიშვილის განცხადებით, ე.წ. ქურდულ სამყაროსთან  და კანონიერ ქურდებთან რაიმე ფორმით კავშირი სისხლის  სამართლებრივად დასჯადი იქნება:

"ძალიან მნიშვნელოვანი ცვლილებებია. ფაქტობრივად, ამ კანონპროექტით ვამბობთ, რომ არც ერთი ქმედება, არანაირი კავშირი ქურდულ სამყაროსთან და კანონიერ ქურდებთან, არა მხოლოდ ამ სამყაროში მოღვაწე პირების, არამედ ნებისმიერი სხვა პირის, რომელიც რაიმე ფორმით ამ ადამიანებთან კონტაქტს დაამყარებს,მათი საქმიანობის ხელშეწყობის მიზნით რაიმე ქმედებას განახორციელებს,არ დარჩება დაუსჯელი და დაისჯება სისხლის სამართლის წესით,  თანაც საკმაოდ მკაცრი სანქციით.დანაშაულს ვარქმევთ მთელ რიგ ქმედებებს, რომელსაც დღეს დანაშაული არ ჰქვია, რათა მოგვეცეს იმ პირების დასჯის შესაძლებლობა,რომლებიც დღეს ვერ ისჯებიან",-აღნიშნა ნათია მეზვრიშვილმა.

მკაცრდება არსებული სანქციები კანონიერი ქურდებისა და ქურდული სამყაროს წევრების მიმართ. მეზვრიშვილის თქმით, კანონიერი ქურდობა 9-დან 15-წლამდე ვადით თავისუფლების აღკვეთით დაისჯება.

ავტორი: ,

სოციალური ქსელები

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა

ნიკა გვარამია: ჩვენ სრული გეოპოლიტიკური კატასტროფის წინაშე ვდგავართ

არაღჩი: თეირანი გააგრძელებს მონაწილეობას პაკისტანის მიერ წარმოებულ მედიაციის ძალისხმევაში