„პირდაპირი უცხოური ინვესტიციების მაჩვენებელი 2017 წელს, რომელიც 2016 წლის მონაცემს 16 პროცენტით აღემატება, ისტორიული მაქსიმუმია დამოუკიდებლობის მოპოვების შემდეგ", - ამის შესახებ პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა განაცხადა 

პირველმა ვიცე-პრემიერმა ყურადღება გაამახვილა ისეთ მნიშვნელოვან ფაქტორზე, როგორიცაა რეინვესტირების ზრდა, რომელმაც წინა წელთან შედარებით 129-პროცენტიანი მატება აჩვენა და 700 მლნ აშშ დოლარს გადააჭარბა. „პირველ რიგში, ეს არის დადასტურება იმისა, რომ ესტონური მოდელი, რომელიც 2017 წლის პირველი იანვრიდან დაინერგა, რეალურად მუშაობს. გასულ წლებში საშუალოდ რეინვესტირება ქვეყანაში დაახლოებით 300 მლნ დოლარის ფარგლებში ხორციელდებოდა. შესაბამისად, სხვაობა 2017 წლის მაჩვენებელთან, არის ის თანხა, რომელიც ჩვენი ქვეყნიდან შეიძლებოდა გასულიყო. კომპანიებმა, რომლებმაც მოგება ნახეს, მიიღეს გადაწყვეტილება, მოგება საქართველოში დატოვებინათ და მოეხდინათ რეინვესტირება, შეექმნათ ახალი სამუშაო ადგილები," - განაცხადა პირველმა ვიცე-პრემიერმა.

„რატომ არის სასიხარულო ინვესტიციები? მას მოყვება ცოდნა, ინოვაციები, ახალი სამუშაო ადგილები და სწორედ ამ მიმართულებით არის სასიხარულო ყოველთვის, როდესაც ჩვენ ვსაუბრობთ ინვესტიციების ზრდაზე. ეს არის პირდაპირი ასახვა ჩვენს საგადასახდელო ბალანსის დეფიციტის შემცირებაზე, რაც, საბოლოო ჯამში, უზრუნველყოფს ჩვენი ეროვნული ვალუტის სტაბილურობას," - განაცხადა დიმიტრი ქუმსიშვილმა.

„ჩვენ ვართ რეკორდულ მაქსიმუმზე. ამ რეკორდული მაქსიმუმიდან ჩვენ ვხედავთ, რომ ჩვენი რეფორმები მუშაობს. რეფორმა რომელიც ჩვენ დავიწყეთ, ახლა იკრებს ინერციას. როგორც გათვლილი გვქონდა, მომდევნო 3 წლის განმავლობაში, ეს რეფორმა გაცილებით მეტ გავლენას მოახდენს ეკონომიკაზე და კუმულატიურად ჩვენ დიდ ეფექტს მივიღებთ როგორც სამუშაო ადგილების შექმნაში, ასევე ეკონომიკურ ზრდაშ", - განაცხადა დიმიტრი ქუმსიშვილმა.  

(NS)

ავტორი: ,

სოციალური ქსელები

შეწყალებული რუსეთის მოქალაქე დენის კულანინი ამჟამად საიმიგრაციო დაკავების იზოლატორში იმყოფება, მას პუტინის რეჟიმისგან საფრთხე ემუქრება

ჩერგოლეიშვილი - ვერ დალაგდებიან პოლიტპატიმრების გათავისუფლების გარეშე დასავლეთთან, დიდი ხანია მაგას ითხოვს რეჟიმი

უკრაინულმა დრონებმა წლის დასაწყისიდან მერვედ დაარტყა რუსეთის ერთ-ერთ უდიდეს ნავთობგადამამუშავებელ ქარხანას

საქართველო-აზერბაიჯანის საზღვარზე მიწისძვრა მოხდა