შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი არ გამორიცხავს, რომ საქართველოს პრემიერ-მინისტრმა ჟენევის დისკუსიების მორიგ რაუნდში მონაწილეობა მიიღოს. 

თუმცა, მინისტრის განმარტებით, პრემიერი ჟენევის დისკუსიების მორიგ რაუნდში იმ შემთხვევაში ჩაერთვება, თუ ამის პოლიტიკური ნება იქნება. 

"ჩვენი ამოცანაა, ერთის მხრივ რუსეთთან მიმართებაში, რომელიც არის ჩვენი კონფლიქტის უმნიშვნელოვანესი მიმართულება, ჟენევის ფორმატში მასთან პროგრესს მივაღწიოთ, ხოლო მეორეს მხრივ, გვქონდეს შესაძლებლობა, განვავითაროთ აფხაზეთისა და ოსეთის საზოგადოებასთან დიალოგი, რომელიც ნდობის მშენებლობის თვალსაზრისით ძალიან მნიშვნელოვანია. იყო საუბარი მზაობაზე, რომ პრემიერ-მინისტრი მორიგ რაუნდში მიიღებს მონაწილეობას, თუმცა ეს არ ნიშნავს იმას, რომ გიორგი კვირიკაშვილი მომდევნო შეხვედრას დაესწრება. ამას სჭირდება პოლიტიკური ნება და მზაობა მეორე მხრიდან და ასევე მომზადებაც. ჩვენი მხრიდან ვადასტურებთ მზაობას, რომ ჟენევის ფორმატში მივიღოთ მონაწილეობა, ეს ფორმატი გახდეს უფრო კონსტრუქციული და მის შედეგად კონფლიქტის დარეგულირების თვალსაზრისით პროგრესი იყოს მიღწეული“, - განაცხადა ციხელაშვილმა.

ავტორი: ,

სოციალური ქსელები

რეჟიმის პატიმარმა გიორგი კუჭუაშვილმა, 2-წლიანი პატიმრობის შემდეგ ციხე დატოვა

ივანიშვილს წარმომადგენელი პაპუაშვილი საერთაშორისო გამჭირვალობას ემუქრება

ფრიდონ ბუბუტეიშვილმა შეწყალებას ხელი მოაწერა – გიორგი რომელაშვილი

უნგრელთა 64% მოელის, რომ მადიარი უკრაინასთან ურთიერთობებს გააუმჯობესებს