უკრაინაში დასაბრუნებლად ვემზადები და საქართველოში პოლიტიკურ პროცესებში აქტიურად ვმონაწილეობ, - ამის შესახებ საქართველოს მესამე პრეზიდენტმა მიხეილ სააკაშვილმა Meduza.io-სთან ინტერვიუში განაცხადა.

როგორც სააკაშვილმა აღნიშნა, მის გაჩუმებას ვერავინ შეძლებს.

"ამასწინათ რუსულ არხებზე ძველი „ფეესბეშნიკი“ იგორ გიორგაძე აჩვენეს, რომელიც თავის დროზე შევარდნაძეს აფეთქებდა. მან განაცხადა, რომ თუ არ სააკაშვილი არ გაჩერდება თავის ევროპაში, მაშინ 85% დარწმუნებული ვარ, რომ მოკლავენ. მინდა მათ ვუთხრა: არ მოესწრებით. მე აქტიური ვიქნები და ჩემს მიზნებს მივაღწევ. ევროპაში ჩემს ყოფნას თავის პლუსები აქვს. როგორც ვიცით, თავის დროზე ბაბუა ლენინს ყველაფერი გამოუვიდა, თუმცა მას არ ჰქონდა ინტერნეტი, კომუნიკაციის სხვა საშუალებები და იმ დროს თვითმფრინავებიც კი არ დაფრინავდნენ“, - განაცხადა მიხეილ სააკაშვილმა.

კითხვაზე - ჰყავს თუ არა მას დაცვა, სააკაშვილმა განაცხადა, რომ არა.

„არა, რა დაცვა? კიევში მყავდა დაცვის ერთი წევრი, რომელიც უკრაინიდან გააძევეს. როდესაც მე კაფეში ვიყავი, სადაც დამაკავეს, ჩემთან ანტიტერორისტული ოპერაციის ორი ვეტერანი იმყოფებოდა. რა თქმა უნდა, მათ იარაღი არ ჰქონდათ. სწორედ ეს ორი ადამიანი დააწვინეს იატაკზე. რით შეძლებდნენ ჩემ დახმარებას, ხომ არ გადამეფარებოდნენ?!“, - აღნიშნა ყოფილმა პრეზიდენტმა.

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში