„რადიო თავისუფლება“: ოკუპირებულ ახალგორში ე.წ. სპეცრაზმია მობილიზებული - დაწესებულია საგანგებო მდგომარეობა

2018-03-02 14:41:57, 944 ნახვა

რეგიონი

ოკუპირებულ ახალგორში ე.წ. სამხრეთ ოსეთის დე-ფაქტო რესპუბლიკის ე.წ. ძალოვანი სტრუქტურების სპეცრაზმებია მობილიზებული, - ამის შესახებ "რადიო თავისუფლების" ქართული ბიურო2 წყაროზე დაყრდნობით იუწყება.

მედია საშუალების ინფორმაციით, განსაკუთრებით ე.წ. ომონი აქტიურობს, რომელიც დაბაში ცხინვალიდან ჩაიყვანეს.

წყაროების ცნობით, სპეცდანიშნულების რაზმების წარმომადგენლები ახალგორში შემსვლელ და გამომსვლელ ავტომანქანებს ჩხრეკენ და ადგილობრივ მოსახლეობას ეუბნებიან, რომ საგანგებო მდგომარეობა რუსეთის პრეზიდენტის მოახლოებულ არჩევნებს და მოსალოდნელ პროვოკაციებს უკავშირდება.

წყაროების თქმით, ოკუპირებული ახალგორის დე-ფაქტო გამგებელმა, ფილიპ ხაჩიროვმა დაბის მოსახლეობა შეკრიბა და მიტინგი გამართა. ხაჩიროვმა ახალგორელებს მოუწოდა, პროვოკაციის რისკის გამო სიფრთხილე გამოიჩინონ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები