ვარდების მოედნიდან აწყურის ღვთისმშობლის ხატით მსვლელობა დაიწყო

2015-05-16 15:53:31, 551 ნახვა

საზოგადოება

თბილისში, ვარდების მოედნიდან სამების საკათედრო ტაძრისკენ აწყურის ღვთისმშობლის ხატით მსვლელობა დაიწყო.

ხატი ვარდების მოედანზე სვეტიცხოვლიდან ჩამოაბრძანეს. მსვლელობაში სასულიერო პირები, მღვდელმთავრები, მონაზონები და მრევლი მონაწილეობს. აწყურის ღვთისმშობლის ხატს ჩოხოსნები მიაბრძანებენ. მსვლელობას საეკლესიო დროშებით, მოძრაობა "დავითიანნის" ახალგაზრდები მიუძღვებიან.

როგორც დეკანოზი ბესარიონ გუნია აცხადებს, აწყურის ყოვლადწმინდა ღვთისმშობლის ხატს მორწმუნეები განსაკუთრებულ პატივს მიაგებენ, რადგან იგი წმინდა მოციქულმა ანდრია პირველწოდებულმა შემოაბრძანა საქართველოში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან