საპარლამენტო უმრავლესობის ლიდერმა არჩილ თალაკვაძემ ის არგუმენტები დაასახელა, რის გამოც მმართველი გუნდი აფგან მუხთარლის საქმეზე პარლამენტის დროებითი საგამოძიებო კომისიის შექმნის საკითხს მხარს არ უჭერს.

თალაკვაძის თქმით, პროკურატურაში მიმდინარე გამოძიებას თავისი რესურსი ჯერ არ ამოუწურავს და საგამოძიებო კომისიის შექმნა ამ ეტაპზე მიზანშეწონილი არ არის:

„ის, რომ გამოძიება სწრაფად ვერ დასრულდა,არ არის საქართველოს საგამოძიებო ორგანოების ბრალი მხოლოდ იმიტომ, რომ რეალურად სუბიექტზე ხელმისაწვდომობა ვინც უნდ დაიკითხოს, ამ ეტაპზე რეალურად არ არის უზრუნველყოფილი და ეს შეზღუდვა პრობლემას შეუქმნის პარლამენტის მიერ შექმნილ საგამოძიებო კომისიასაც. სუბიექტის დაკითხვა არის ძალიან მნიშვნელოვანი იმ საკითხების დასადგენად, რომელზეც საუბრობთ. კიდევ ერთი არგუმენტი, რომელიც გვაქვს არის ორი პარალელური გამოძიების წარმოება. მიგვაჩნია, რომ ორი პარალელური გამოძიების წარმოება ჩრდილს მიაყენებს გამოძიების საბოლოო მიზანს და არ იქნება ისე,  როგორც საუიბრობდით, თითქოს აქ შექმნილი საგამოძიებო კომისია ხელს შეუწყობს იმ გამოძიებას, რომელიც მიმდინარეობს.საზოგადოების  შეცდომაში შეყვანის მცდელობა დავინახე რამდენიმე გამოსვლაში. სუსი საერთოდ არ არის ნახსენები ევროპარლამენტის რეზოლუციაში. ამ საქმესთან დაკავშირებით 2 თანამდებობის პირი გადადგა. ეს იყო პოლიტიკური გადაწყვეტოლება ჩვენი გუდნის და ეს სწორედ იმიტომ გააკეთეს ამ ადამიანებმა, რომ კითხვის ნიშნები, რომელიც თქვენ განმეორებით დასვით, რომ პოლიტიკურ პასუხისმგებლობას რომელიმე საქმეზე გავურბივართ, მოხსნილიყო, დამეთანხმებით, რომ ეს მაღალი თანამდებობებია.  თუ ელოდით, რომ ჩვენი პოზიციები იქნებოდა ამ ინიციატივასთან დაკავშირებით, რომ არ გვაქვს ინტერესი გამოძიებამ შედეგები დადოს, შეკითხვებს პასუხები გაეცეს, ამ მოლოდინს ვერ გაგიმართლებთ, ვფიქრობთ, მიმდინარე გამოძიებას არ ამოუწურავს თავისი დრო და რესურსი და ვფიქრობთ, როდესაც ეს დრო და რესურსი მიმდიანრე გამოძიების ფარგლებში ამოიწურება,  შემდოგ შესაძლოა დავუბრუნდეთ საპარლამენტო კომისიის საკითხის განხილვას“,-განაცხადა არჩილ თალაკვაძემ და აქვე განმარტა, რომ  გამოძიების მიმდინარეობას თვალს მიადევნებენ.

ავტორი: ,

სოციალური ქსელები

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე

დრონებმა მოსკოვს, იაროსლავისა და როსტოვის ნავთობგადამამუშავებელ ქარხნებს შეუტიეს, შედეგად ხანძარი გაჩნდა

ნიდერლანდების პრემიერ-მინისტრის პარტიის ოფისში აფეთქება მოხდა, ეჭვმიტანილი დაკავებულია