აჭარის დელეგაციის ოფიციალური ვიზიტი პოლონეთის რესპუბლიკაში გრძელდება.

მორიგი შეხვედრა ქალაქ ვროცლავის მუნიციპალიტეტის ხელმძღვანელობასთან გაიმართა. შეხვედრაზე მხარეებმა ბათუმსა და ვროცლავს შორის ურთიერთთანამშრომლობის გაღრმავების საკითხები განიხილეს.

საუბარი შეეხო რეგიონების ტურისტულ პოტენციალს. აჭარის ა.რ. მთავრობის თავმჯდომარემ აღნიშნა, რომ ვროცლავიდან ქუთაისის მიმართულებით ახალი ავიარეისის დანიშვნა გაზრდის ტურისტულ ნაკადსორ ქალაქს შორის, რაც კიდევ უფრო შეუწყობს ხელს ორი მეგობრული რეგიონის დამეგობრებას. მხარეებმა, ასევე, ისაუბრეს ვროცლავის ყოველწლიური საერთაშორისო ფორუმის მნიშვნელობაზე ორივერეგიონისთვის, რომლის მიზანია ქვეყნებს შორის ცნობადობის ამაღლება და ბიზნეს და საქმიანი წრეების კიდევ უფრო დაახლოვება. საუბარი შეეხო ბათუმისა და ვროცლავის ტურისტულ პოტენციალს.

„ბათუმი მზადაა უმასპინძლოს ტურისტებს, ვიზიტორებსა თუ ბიზნესმენებს ვროცლავიდან და გააცნოს მათ ჩვენი კულტურა, ისტორია და შესაძლებლობები, მათ შორის საინვესტიციო და ბიზნესმიმართულებით," - აღნიშნა ზურაბ პატარაძემ.

აჭარის ავტონომიური რესპუბლიკის დელეგაციის ვიზიტი პოლონეთის რესპუბლიკაში დღეს დაიწყო და 24 თებერვლამდე გაგრძელდება. ვიზიტის ფარგლებში, შეხვედრები გაიმართება ქვემო სილეზიისმარშალთან ცეზარ პრზიბილსკისთან და სხვა ოფიციალურ პირებთან. ასევე, გაიმართება ქვემო სილეზიის ჟურნალისტების მიერ აჭარის შესახებ გადაღებული დოკუმენტური ფილმის პრეზენტაცია. დელეგაციასაერთაშორისო ტურიზმის გამოფენასაც დაესწრება.

(NS)

ავტორი: ,

სოციალური ქსელები

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე

დრონებმა მოსკოვს, იაროსლავისა და როსტოვის ნავთობგადამამუშავებელ ქარხნებს შეუტიეს, შედეგად ხანძარი გაჩნდა

ნიდერლანდების პრემიერ-მინისტრის პარტიის ოფისში აფეთქება მოხდა, ეჭვმიტანილი დაკავებულია