„ჩვენი ამოცანაა მივაღწიოთ ისეთ ეკონომიკურ ზრდას, რომელიც თითოეულ მოქალაქეს შეეხება“, - ამის შესახებ ფინანსთა მინისტრმა, მამუკა ბახტაძემ საქართველოს მცირე და საშუალო საწარმოთა ასოციაციის წევრებთან გამართულ შეხვედრაზე განაცხადა.

როგორც ფინანსთა მინისტრმა აღნიშნა, მცირე და საშუალო ბიზნესის მხარდაჭერა აუცილებელი წინაპირობაა, რომ აღნიშნული მიზანი იქნას მიღწეული.

„ეს რეფორმა არის ძალიან მასშტაბური და ეხება 120 ათას მეწარმეს და მათ უკან მდგომ ადამიანებს. ფინანსთა სამინისტრო მზადაა, გათვალისწინებული იყოს თითოეული მეწარმის ინტერესები. ვფიქრობ, რომ საქართველოში ცხოვრების დონის გასაუმჯობესებლად ეს იქნება მნიშვნელოვანი ნაბიჯი. აღნიშნული ინიციატივის შექმნაში მნიშვნელოვანი წვლილი შეიტანეს მეწარმეებმა. შესაბამისად, ჩვენ მივიღეთ გადაწყვეტილება, რომ დავიწყოთ საინფორმაციო კამპანია, მოვისმინოთ მეწარმეების მოსაზრებები. ეს ჩვენ საშუალებას მოგვცემს, კიდევ უფრო დავხვეწოთ ჩვენი ინიციატივა და უფრო კარგად მოვარგოთ ის იმ გამოწვევებს, რომელიც დღეს აქვს მცირე და საშუალო ბიზნესს საქართველოში," - განაცხადა მამუკა ბახტაძემ.    

ახალი საგადასახადო ინიციატივის გაცნობის მიზნით საქართველოს ფინანსთა სამინისტრო მცირე და საშუალო მეწარმეებისთვის საინფორმაციო კამპანიას რეგიონებშიც გააგრძელებს.

(NS)

ავტორი: ,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს