წყნეთის გზატკეცილზე, მეხუთე კორპუსში მცხოვრებ 38 ოჯახს საცხოვრებელი ფართები საკუთრებაში სიმბოლურ ფასად გადაეცემა, - ამის შესახებ თბილისის მერმა კახა კალაძემ დედაქალაქის მთავრობის დღევანდელ სხდომაზე განაცხადა.

მისი თქმით, საცხოვრებელი ფართების დაკანონება ერთ-ერთი წინასაარჩევნო დაპირება იყო, რომელიც მომავალშიც გაგრძელდება.

„38 ოჯახს, რომელიც წყნეთის გზატკეცილზე, მეხუთე კორპუსში 90-იანი წლებიდან ცხოვრობს, ფართები ერთ ლარად გადაეცემა. ეს ადამიანები ყოველდღე ელოდებიან, რომ ფართი გადაეცემათ. მინდა მივულოცო თითოეულ მათგანს და წარმატებები ვუსურვო“, - აღნიშნა კახა კალაძემ.

მისივე თქმით, ოთხწლიანი პროგრამის ფარგლებში წარმოდგენილი ყველა პროექტი შესრულდება.

„მინდა გითხრათ, რომ ყველა პროექტსა და დაპირებას, რომელიც გვქონდა დასახელებული, აუცილებლად შევასრულებთ და გავაკეთებთ. ყველაფერი უცებ, ერთად, რა თქმა უნდა, ვერ მოხერხდება. ჩვენ გვქონდა წარმოდგენილი ოთხწლიანი პროგრამა და კიდევ ერთხელ პირობას გაძლევთ, რომ ყველა თემა და პროექტი შესრულდება“, - განაცხადა თბილისის მერმა.  

(NS)

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში