შუახევის მუნიციპალიტეტის მერი ფრიდონ ფუტკარაძე მოადგილესთან რუსუდან შავაძესთან ერთად საჯარო სკოლის დირექტორებს შეხვდა.

შეხვედრაზე ფრიდონ ფუტკარაძემ განათლების სისტემაში მიმდინარე რეფორმებზე ისაუბრა, რომელთა ნაწილი სისტემაში უკვე დაიწყო, ნაწილი ახლო მომავალში დაინერგება და საბოლოოდ, მისი შედეგები, განათლების ხარისხის ამაღლებაზე აისახება.

შეხვედრაზე ასევე იმსჯელეს სკოლებში არსებულ მდგომარეობაზე, პრობლემებზე და მათი გადაჭრის გზებზე.

დირექტორებთან შეხვედრას რესურსცენტრის უფროსი ედუარდ გოგრაჭაძე და რესურსცენტრის თანამშრომლებიც ესწრებოდნენ.

შუახევის მუნიციპალიტეტში 43 საჯარო და 1 კერძო სკოლაა.

შუახევიის მერიის ცნობით, 2017 წელს სამინისტროს მიზნობრივი პროგრამის „საჯარო სკოლების ინფრასტრუქტურის გაუმჯობესების“ ფარგლებში რეაბილიტაცია ჩაუტარდა ცინარეთის, ბუთურაულისა და ჭვანის საჯარო სკოლებს, ასევე ქიძინიძეების საჯარო სკოლის სპორტულ დარბაზს, დაიწყო სოფელ მაწყვალთისა და სოფელ ჟანივრის საჯარო სკოლების მშენებლობა.

მალე ექსპლუატაციაში შევა სოფელ ფურტიოს საჯარო სკოლა.

მუნიციპალიტეტის ადგილობრივი ბიუჯეტიდან აშენდა კაკალაძეებისა და ცენტერაძეების დაწყებითი სკოლები.

2018 წელს დაიწყება დაბა შუახევის საჯარო სკოლის მშენებლობა.

შუახევის მუნიციპალიტეტში 1869 მოსწავლე სწავლობს და დასაქმებულია 840 პედაგოგი, მათ შორის სერტიფიცირებულია 92 პედაგოგი.

(NS)

ავტორი: ,

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა